Petropavlda temirjolda teplovoz ben kólik soqtyǵysty, dep habarlady pkzsk.info saıty.

"Benzostroı aýdanynda VAZ 2110 kóliginiń 41 jastaǵy júrgizýshisi "TOQTA" belgisin elemeı, №1216 teplovozymen soqtyǵysqan. Teplovoz júrgizýshisi jedel toqtaýǵa májbúr bolǵan" delingen qalalyq polısıa basqarmasynyń habarlamada.

– Jol-kólik oqıǵasy saldarynan kólik júrgizýshisin jedel járdem qyzmetkerleri Petropavl medısınalyq mekemesine jetkizdi. Alǵashqy shuǵyl kómek kórsetilgennen keıin medısına qyzmetkerleri er adamdy úıine jiberdi, – dedi polısıa qyzmetkerleri.

Saıt málimetinshe, sarapshylar Ońtústik Oral temir jolyna keltirilgen materıaldyq shyǵyndy anyqtaǵannan keıin júrgizýshige qatysty ákimshilik kodekstiń 610-babynyń 1-bóligi "Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zıan keltirýge, kólik quraldarynyń nemese ózge de múliktiń búlinýine ákep soqqan buzýy" boıynsha ákimshilik hattama toltyrylady.