Densaýlyq saqtaý mınıstri Aleseı Soı sáýir aıynda  epıdemıologıalyq jaǵdaı nasharlap ketkenin málimdedi. Bul týraly ol úkimettiń keńeıtilgen otyrysynda aıtty.

– Osy jyldyń sáýir aıynda epıdemıologıalyq jaǵdaı nasharlap ketti. Sáýir aıynyń 11 kúninde koronavırýs ınfeksıasyn 24 955 adam juqtyrǵany anyqtaldy. Qaýipti indetti juqtyrý 3 esege ósken. Táýligine 2 800-ge deıin naýqas tirkeledi. Qostanaı men Túrkistan oblystaryn qospaǵanda Qazaqstannyń barlyq aımaqtarynda aýrý ósimi baıqalady, – dedi mınıstr.

Alekseı Soı qaýipti ınfeksıadan ólim-jitim faktisi kóbine Nur-Sultan, Almaty qalasy men Almaty oblysynda tirkelip jatqanyn atap ótti.

Qazir el óńirlerindegi epıdemıologıalyq ahýaldy baǵalaý matrısasyna sáıkes, Nur-Sultan, Almaty qalalary men Atyraý, Aqtóbe, Aqmola, Almaty, Batys Qazaqstan jáne Qaraǵandy oblystary "qyzyl" aımaqta tur.

Shymkent qalasy men Jambyl, Qyzylorda, Qostanaı, Pavlodar, Soltústik Qazaqstan, Mańǵystaý oblystary "sary" aımaqta.

Al "jasyl" aımaqta Shyǵys Qazaqstan men Túrkistan oblystary ǵana tur.