Prezıdent Qasym-Jomart Toqaev twitter paraqshasynda ǵylym salasynyń qyzmetkerlerin kásibı merekesimen quttyqtady.

– Ǵylym salasynyń qyzmetkerlerin búgingi kásibı merekesimen quttyqtaımyn! Osy aıtýly datanyń asa kórnekti ǵalym Qanysh Sátbaevtyń týǵan kúnimen tuspa-tus kelýiniń máni zor.

Perspektıvasy bar ǵylymı zertteýlerdi qoldaý, ultymyzdyń zıatkerlik áleýetin arttyrý – sózsiz sheshimin tabýǵa tıisti strategıalyq mindet, – dedi ol.

Sonymen qatar prezıdent Qazaqstan ǵarysh tehnologıasyn ıgerýge belsendi atsalysa beretinin jazdy.

– Osydan 60 jyl buryn adamnyń ǵaryshty ıgerý dáýiri bastaldy. Iýrıı Gagarınniń Baıqońyr ǵarysh aılaǵynan ushýy – álemdik ǵylym damýynyń jarqyn kórinisi. Qazaqstan halyqaralyq baǵdarlamalarǵa, ǵarysh tehnologıasyn ıgerýge belsendi atsalysa beredi, – dep jazdy prezıdent Toqaev.