Densaýlyq saqtaý mınıstrligi elde bir táýlikte taǵy 1966 adamnan koronavırýs, 7 adamnan pnevmonıa anyqtalǵanyn, 20 adam koronavırýstan, 5 adam pnevmonıadan  qaıtys bolǵanyn habarlady.

Osylaısha, koronavırýs pen pnevmonıa boıynsha resmı statısıkaǵa saı, pandemıa bastalǵaly indet juqtyrǵandardyń jalpy sany 400 myńnan (346 497 koronavırýs, 53 571 pnevmonıa) asty. Osy ýaqyt aralyǵynda 3948 adam koronavırýstan, 837 adam pnevmonıadan kóz jumǵan.

11 mamyrdaǵy málimet boıynsha, 41 094 adam koronavırýs ınfeksıasynan emdelip jatyr. Olardyń ishinde 15 068 pasıent stasıonarda, 26 026 naýqas ambýlatorıalyq deńgeıde em qabyldaýda.

İndetke shaldyqqandardyń arasynda 802 adamnyń jaǵdaıy aýyr, 186 pasıenttiń jaǵdaıy óte aýyr, 105 naýqas ÓJJ apparatynda jatyr.

11 mamyrdaǵy málimet boıynsha Qazaqstanda 1 698 893 adam koronavırýsqa qarsy vaksına saldyrǵan.