Densaýlyq saqtaý mınıstri Alekseı Soı medısına qyzmetkerlerin kásibı merekesimen quttyqtady.
Mınıstr málimetinshe, búgingi tańda Qazaqstanda 260 myńǵa jýyq medısına mamany, onyń ishinde 75 myńnan astam dáriger men 185 myń orta medısınalyq qyzmetker jumys isteıdi. Sondaı-aq ol elde kún saıyn 2 myńnan astam operasıa jasalatynyn, 1 myńnan astam áıel bosanatynyn, emhanalarda 420 myńnan astam adamǵa jáne 18 myń jedel járdem shaqyrýlaryna qyzmet kórsetiletinin atap ótti.
Aıtýynsha, Qazaqstanda joǵary tehnologıalyq kómek kórsetý kólemi ulǵaıyp, jańa perınataldyq ortalyqtar salynypjatyr. Inovasıalyq ázirlemeler engizilýde. Bul – sırek kezdesetin jáne kúrdeli aýrýlarǵa sátti dıagnoz qoıyp, emdeýge múmkindik bergen.
– Biz eń mańyzdy eki kórsetkishtiń jaqsarǵanyn baıqaımyz – ómir súrý uzaqtyǵy artyp, týý kórsetkishi ósýde. Osy jetistikterdiń árqaısysynyń artynda, árıne, sizdiń úlken eńbegińiz, ıaǵnı medısına qyzmetkerleri, óz isine jaýapkershilikpen qaraıtyn túrli mamandyqtaǵy adamdar tur. Pandemıa bizdi kóptegen qundylyqtardy qaıta qaraýǵa májbúr etti, ásirese Aq halattaǵy adamdarǵa degen kózqarasty ózgertti. Olar eki jyl boıy kórinbeıtin jaýmen kúresedi, ár naýqastyń ómirin saqtaý úshin óz densaýlyǵyna qaýip tóndiredi. Aýrý jáne saýyqqandardyń biryńǵaı sandarynyń artynda pandemıamen kúreste myńdaǵan medısına qyzmetkerleriniń qajyrly jáne batyrlyq eńbegi jatyr. Bizdiń barlyq medısına qyzmetkerlerimizge olardyń qazaqstandyqtardyń densaýlyǵyn qorǵaýǵa qosqan baǵa jetpes úlesi úshin shynaıy alǵysymdy bildirgim keledi. Qurmetti dárigerler, feldsherler, meıirgerler, kishi medısınalyq qyzmetkerler, sizder óz mamandyqtaryna adal júrekterińiz ben jan – dúnıelerińizdi berip jumys isteısizder. Sala ardagerlerine erekshe alǵys sózder aıtyldy. Sizdiń tájirıbeńiz dástúrdi saqtaýǵa kómektesedi jáne mamandardyń jańa býynyna úlgi bolady. Qurmetti áriptester, Sizderdi kásibı merekelerińizben taǵy da quttyqtaımyn jáne Sizderge jáne otbasylaryńyzǵa densaýlyq, tatýlyq tileımin!, – dedi mınıstr facebook paraqshasynda.
