Shymkentte vırýsqa qarsy ekpe saldyrýshylar qatary artyp keledi. Bir ǵana №9 emhanasynda osy ýaqytqa deıin 40.132 adam vaksınalanǵan. Medısınalyq mekemede ekpeniń 3 túri salynýda. Aq halattylar dúıim jurttyń degbirin qashyrǵan syrqatty aýyzdyqtaý ekpe egý arqyly tyıylar edi, deıdi. Sol sebepti, barlyq qala turǵyndaryna vaksına salýǵa keńes beredi.

Emhanalardaǵy ekpe egý kabınetteriniń barlyǵy qajetti jabdyqtarmen qamtamasyz etilgen. Ekpe salatyn qyzmetkerler arnaıy oqytýdan ótken. Vaksınasıa turǵylyqty jeri boıynsha emhanada júrgiziledi. Ekpe salardan aldyn azamat mindetti túrde saýalnamaǵa jaýap berip, erikti túrde vaksına alatyna týraly kelisim beredi. №9 qalalyq emhanada birinshi komponent 22.370 azamatqa, al ekinshi komponent 17.305 azamatqa salyndy. Halyqtyń vaksınaǵa degen yqylasy jaqsy deıdi,- Raýshan Orazbaeva.

- Qazirgi ýaqytta №9 qalalyq emhanaǵa 68320 adam tirkelgen. Vaksınany 75% ıaǵnı 29670 adam alýy tıis. Qazir birinshi komponentti 22370 adam, ekinshi komponentti 17305 adam aldy. Bul bizdiń emhanaǵa baılanǵan halyqtyń 75% - yn quraıdy. Qazir biz Spýtnık V men otandyq QazVac vaksınalaryn qoıamyz.

Vaksınasıa alǵandarǵa medısınalyq baqylaý talapqa sáıkes uıymdastyrylyp, júıeli júrgizilýde. Búgingi kúni koronavırýs ınfeksıasyna qarsy ekpe egilgen azamattardyń densaýlyǵy qanaǵattanarlyq. Shymkent qalasynyń turǵyny Aınur Nurjanova ekpeniń ekinshi komponentin saldyrýǵa keldi. Ol vaksına qaýipti indetti juqtyryp almaýdyń jalǵyz joly dep biledi.

Búkil álemdegi qıyn jaǵdaıdy barlyǵy kórip otyr. Men vaksınanyń eki komponentin óz densaýlyǵym úshin jáne janymdaǵy adamdardy ınfeksıadan qutqarý úshin aldym. Mende eshqandaı janama áserler bolǵan joq.

Aıta keteıik, emhanalarda qazir ekpeniń 3 túri qoldanysta. Olar otandyq QazVac, Spýtnık V jáne Hayat-Vax. Qaı ekpeni qabyldaýdy pasıenttiń ózi sheshedi. Dárigerler jumys kúni tańerteńgi 8-den, al demalys kúnderi 9-dan 20:00-ge deıin qyzmet kórsetedi.