Máskeý oblysynda reseılik Il-112V áskerı-kólik ushaǵy apatqa ushyrap, 3 ekıpaj múshesi qaza tapty, dep jazady dw.com basylymy.

Ekıpajdy Reseıge eńbegi sińgen synaqty-ushqysh Nıkolaı Kýımov basqarǵan.

Ushaqtyń apatqa ushyraǵan sáti kezdeısoq vıdeoǵa túsip qalǵan. Vıdeodan ushaqtyń oń jaq qozǵaltqyshy órtenip, borttyń eńkeıik baryp ormanǵa qulaǵanyn kórýge bolady.

TASS agenttigi ushaq tolyqtaı órtenip ketkenin habarlady. 

"Baza" telegram-kanaly ushaqtyń oń jaq qozǵaltqyshynda buǵan deıin de aqaý baıqalǵany týraly jazdy. 2019 jyly jerdegi synaq kezinde qozǵaltqysh isten shyqsa, keleside testtik ushý kezinde qozǵaltqyshtardyń biri avtomatty basqarý júıesinen gıdromehanıkalyq basqarý júıesine aýysyp ketken. Konstrýktor muny usaq aqaýǵa jatqyzyp, kerisinshe "rezervtik júıeniń ázirligin kórsetti" dep atap ótken.