Shymkentte jyl basynan beri óndiristik 17 jazataıym oqıǵa oryn alyp, saldarynan 3 adam jan tapsyrǵan. Osyndaı olqylyqtardyń aldyn alý maqsatynda qalalyq Eńbek ınspeksıasynyń ókilderi kásiporyndardy aralap, túsindirme jumystaryn júrgizýde. Kezekti jıyn shahardaǵy «Spesavtotransport» JSHS-de ótti. Sondaı-aq, onda mekeme qyzmetkerlerin vaksınasıalaý jaıy da sóz boldy.

– Shymkent qalasy Memlekettik Eńbek ınspeksıasy basqarmasynyń basshysy Baýyrjan Qaljanov «Spesavtotransport» JSHS qyzmetkerlerimen kezdesti. Mekeme jumysshylaryna Eńbek kodeksine engizilgen ózgerister men tolyqtyrýlar, eńbekti qorǵaý jáne qaýipsizdik týraly túsindirildi. Qazirgi tańda kásiporyndar arasynda eń kóp kezdesetin kemshilikterdi atap ótti, - dedi Baýyrjan qaljanov, shymkent qalasy memlekettik eńbek ınspeksıasy basqarmasynyń basshysy

Basqarma basshysy búgingi ózekti máselelerdiń biri – vaksınaǵa da toqtaldy. Onyń aıtýynsha, vaksınaǵa eshkimniń májbúrleýge qaqysy joq. Ekpe alýdan bas tartqan qyzmetker sanıtar mamandardyń qaýlysyna sáıkes, apta saıyn psr testileýden ótip, óziniń vırýs juqtyrmaǵandyǵyn dáleldep otyrsa bolǵany.
Jıyn barysynda mekeme qyzmetkerleri kókılerindegi saýaldaryn joldap, mamandardan jaýap aldy. Aıtyp óteıik, kemshilikter kezdesip, esepke alynǵan 54 óndiris ornynyń búginde 20-synda dál osyndaı kezdesýler ótkizilipi, túsindirme jumystary júrgizilgen.