Shymkent qalasynda jyl basynan beri 2000-ǵa jýyq jastar «Eńbek» memlekettik baǵdarlamasynyń sheńberinde 6 aı merziminde «Jastar praktıkasy» baǵytynda tájirıbe jınaqtady.

Tájirıbe jınap, ári jumys ornynda jaqsy nátıje kórsetip, turaqty jumysqa ornalasqan jastardyń biri –Aıdana Isabekova. Ol 2019 jyly «Azımed» kolejinde «Medbıke» mamandyǵy boıynsha bilim aldy. Oqý bitirgen soń, óz mamandyǵy boıynsha jumys taba almaı, aǵymdaǵy jyldyń basynda qalalyq halyqty jumyspen qamtý ortalyǵynda jumyssyz retinde tirkeldi. Keıinen ortalyq mamandary jumys izdeýshi jasqa jumys tabýdyń tıimdi jolyn taýyp, «jastar praktıkasyna» qatysýdy usyndy, - dedi Aıdana ısabekova, shymkent qalasynyń turǵyny

Medısına mamandyǵy boıynsha jumys jasap, kópshilikke kómegim tıip, bilikti maman bolǵym keledi. Osy klınıkalyq emhanada aldymen jastar baǵdarlamasymen tájirıbe jınap, sodan soń maǵan bul jerge turaqty jumysqa qalýdy usyndy. Qýana bul usynysty qabyldap, aldaǵy ýaqytta jaqsy kórsetkishterdi kórsetemin.

Aǵymdaǵy jyldyń 3 tamyzynan bastap Aıdana Isabekova qaladaǵy №1 klınıkalyq emhanasynda «medbıke» qyzmetkeri retinde turaqty jumysqa ornalasty.
Jastar praktıkasy – bul mamandyq boıynsha alǵashqy jumys tájirıbesin alý maqsatymen júrgiziletin oqý oryndarynyń túlekterin ýaqytsha jumysqa ornalastyrý. Jalaqysy 25 aılyq eseptik kórsetkishti quraıdy.

Aıta keteıik, atalǵan baǵdarlamanyń talaptary boıynsha qatysýshynyń jasy 29-dan aspaýy tıis, «jumyssyz» mártebesi bolýy qajet jáne sońǵy úsh jyl ishinde joǵarǵy oqý oryndary men kolejerdiń túlekteri bir-aq ret qatysa alady.

Aıta ketý kerek, bıyl «Jastar praktıkasy» baǵdarlamasy boıynsha 2500 jasty ýaqytsha jumysqa ornalastyrý josparlansa, búginde 2000-ǵa jýyǵy qaladaǵy túrli mekemeler men kásiporyndarǵa joldandy. Al, jyl basynan beri 6 aı merziminde tájirıbe jınaqtaǵandardyń ishinen 15-ke jýyǵy turaqty jumysqa ornalasty.