Shymkent qalasynyń jumyspen qamtý jáne áleýmettik qorǵaý basqarmasy tarapynan áleýmettik qoldaý kórsetý sanatyndaǵy azamattarǵa shıpajaılarǵa tegin jáne jeńildikpen joldamalar beriledi.  

Bıyl joldama sanyna bólingen 6174 azamattyń ishinen 2000-nan astamy Shymkent qalasynyń «Densaýlyq» shıpajaıyna, Túlkibas aýdanynyń «Aqsý-Jabaǵyly» jáne Taraz qalasynyń «Aısha bıbi» shıpajaılaryna jiberilýde.

Sanatorıalyq-kýrorttyq emdeý Uly Otan soǵysynyń qatysýshylaryna jáne olarǵa teńestirilgen tulǵalarǵa, zeınetkerlik jastaǵy «Altyn alqa», «Kúmis alqa» ıegerlerine 12 kúnge tegin beriledi. Al, zeınetkerlerge joldama qunynyń 50 paıyzyn tóleýmen, ıaǵnı 6 kúnge beriledi.

Búgingi kúni qalada 82 821 zeınetker tirkelgen, onyń ishinde UOS ardagerleri – 20, tyl ardagerleri – 3 153. Sondaı-aq, «Altyn alqa» jáne «Kúmis alqa» ıegeri atanǵan 2377 zeınetker bar.

Shıpajaılarǵa joldama berilý jumystary memlekettik tapsyrys sheńberinde júzege asyrylady. Joldama alý úshin Báıterekov kóshesi, 89 mekenjaıy boıynsha qalalyq jumyspen qamtý jáne áleýmettik qorǵaý basqarmasyna ótinish qaldyrý qajet. Joldama kezek boıynsha beriledi. Kezekke turý úshin jeke kýálik jáne 068 nysanyndaǵy dárigerlik anyqtama qajet.