Premer-mınıstr Asqar Mamın epıdemıologıalyq jaǵdaıǵa baılanysty Mańǵystaý, Atyraý, Qostanaı jáne Batys Qazaqstan oblystarynda vaksınasıalaý jumystaryn kúsheıtýdi tapsyrdy.   

– Epıdemıologıalyq jaǵdaı birtindep turaqtalyp keledi. Vırýstyń reprodýktıvti ındeksi 0,97-ny qurap otyr. Vaksınanyń birinshi komponentin saldyrǵan adamdar sany 6,1 mıllıonnan asty. Ekinshi komponenti 4,8 mıllıonnan astam turǵynǵa salyndy. Túrkistan oblysy, Almaty men Shymkent qalalarynda vaksına salý qarqyny jaqsy. Al Mańǵystaý, Atyraý, Qostanaı jáne Batys Qazaqstan oblystarynda osy saladaǵy jumysty kúsheıtý kerek, – dedi Mamın úkimet otyrysynda.

Sonymen qatar úkimet basshysy, muǵalimderge vaksına salýdy 25 tamyzǵa qaraı aıaqtap, oqý oryndarynyń daıyndyǵyn baqylaýdy kúsheıtý kerektigin aıtty.

Al demalys kúnderi lokdaýndar saqtalyp. Ashyq júıesine qatysatyn kásipkerlerdiń sanyn arttyrý qajettigin atap ótti. 

Resmı málimetke sáıkes, búginde Ashyq júıesine qatysatyn bıznesmenderdiń sany 111 myńǵa jetken. Al halyq arasynda qosymshany 4 mıllıonnan astam adam paıdalanady.