Talıban NATO kúshterinde nemese Aýǵanstannyń burynǵy úkimetinde jumys istegen adamdardy izdestirýdi kúsheıtti, dep habarlandy BUU taratqan aqparatta.

Qujatta tálipter úı-úıdi aralap, "qara tizimdegi adamdardy" taýyp, olardyń otbasy múshelerine úreı týǵyzatyny aıtylǵan.

Talıban bılikti qolyna alǵannan beri "kek almaıtynyn" aıtyp, aýǵandyqtardy sendirýge tyrysqan.

Bul aqparattar norvegıalyq "RHIPTO" jahandyq taldaý ortalyǵynyń qupıa qujatynda aıtylǵan. "RHIPTO" ortalyǵy BUU-ǵa barlaý málimetterin beretin uıym.

"Qazirgi ýaqytta Talıban kóptegen adamdy izdestirip jatyr, olarǵa anyq qater tónip tur" deıdi jahandyq taldaý ortalyǵynyń basshysy Krıstıan Nellemann.

Ol Talıbannyń qara tizimindegi kez kelgen adamǵa úlken qaýip tónip turǵanyn, jappaı ólim jazasy bolýy múmkin ekenin eskertti.