Qala ákiminiń orynbasary Maqsut Isahovtyń qatysýymen ótken pres-týr barysynda BAQ ókilderi kóppáterli turǵyn úılerde ornatylatyn lıftterdi basqarma tarapynan synaqtan ótkizip esepke alý, memlekettik kórsetiletin qyzmetiniń jumysymen tanysty.

Jýrnalıserge Turan shaǵyn aýdanynda ornalasqan №7 úı lıftine synaq jumystaryn júrgizý barysy kórsetildi. Mamandardyń aıtýynsha, synaq eki túrden turady eken, ol statıkalyq jáne dınamıkalyq. Eń birinshi lıfttiń ornalasqan shahtasy, basqarý ortalyǵy, kabınanyń tehnıkalyq sıpattamasy tekseriledi. Synaq jumystary tolyq satymen ótilgennen keıin, júk kótergish mehanızimderi tekseriledi.

Shymkent qalasynyń kópqabatty turǵyn úılerinde ornatylǵan lıftterdiń sany búgingi tańda 401-di quraıdy. Onyń 397-si jumys istep tursa, qalǵan tórteýi isten shyqqan. Iaǵnı, Taýke han № 29 úıdiń 6 lıftisiniń 3-i, Ǵ.Iláev № 37 úıdiń 2 lıftisiniń bireýi istemeıdi. Al, istep turǵan 397 lıftiniń 26-nyń paıdalaný merzimi uzartylǵan.

Sonymen birge, qaladaǵy densaýlyq saqtaý mekemelerinde 66 lıft, bilim berý basqarmasyna qarasty mektepterde 23 lıft, qoǵamdyq oryndarda, saýda ortalyqtarynda jáne qonaq úılerde 58 lıft bar.