Belsendi, Demokratıalyq partıa bastamashyl tobynyń jetekshisi Janbolat Mamaı qylmystyq kodekstiń 274-baby (Kórineý jalǵan aqparat taratý) boıynsha jaýap alýǵa shaqyryldy. Bul týraly onyń jubaıy, jýrnalıs Inga Imanbaı málim etti.
Jýrnalısiń sózinshe, belsendi 20 qańtarǵa Almatydaǵy polısıa departamentine shaqyrylǵan.
Inga Imanbaı birneshe kún buryn polısıa departamentiniń ýaqytsha ustaý ızolátorynda soqqyǵa jyǵylǵan "Demokratıalyq partıa" belsendisi Dáýren Dostıarov bosatylǵanyn eske alyp, Janbolatty ne kútip turǵany belgisiz ekenin aıtty. Ol tirkelmegen Demokratıalyq partıa kóshbasshysyn jabý arqyly, bılik eldegi opozısıa ókilin jazalaýǵa sheshim qabyldaǵan bolýy múmkin ekenin jetkizgen.
Sondaı-aq ol Janbolat Mamaı eshkimnen jasyrynyp júrmegenin, jaqynda alǵan jaraqatynan aıyqqan soń tergeý amaldary úshin polısıaǵa mindetti turde baratynyn aıtty.
Buǵan deıin Almatydaǵy halyq narazylyǵynan keıingi jappaı tártipsizdik kezinde belsendini áldekimder sabap ketkeni habarlanǵan.
Artynsha, Janbolat Mamaı elde bolǵan jaǵdaı týraly álemniń kóptegen jetekshi basylymdaryna suhbat bergen.
