Reseı memlekettik BAQ-tarynyń habarlaýynsha, Kıev pen Ýkraınanyń basqa qalalaryndaǵy beıbit turǵyndardyń qaladan shyǵyp ketýine múmkindik berý úshin áskerı kúshter oq atýdy toqtatady.

Al Kıev oǵan kúdikpen qaraıdy. Ýkraınanyń Marıýpol qalasyndaǵy shaıqasta "reseılik kúshter atysty toqtatýǵa kelisilgen ýaqytta qalany atqylaýdy jalǵastyrdy" dep málimdedi Kıev.

Kıev irgesindegi Irpın qalasynan turǵyndar qashýǵa tyrysqanda, tórt adam kóz jumǵan. Onyń ishinde bir áıel eki balasymen birge mınomóttan qaza tapty.

Ýkraına prezıdenti Vladımır Zelenskıı Reseıdi "shabýyl kezinde beıbit turǵyndardy óltirdi" dep aıyptady.

Munaı baǵasy Ýkraına daǵdarysy saldarynan sońǵy 13 jyldaǵy eń joǵary deńgeıge kóterildi.

Ýkraına qorǵanys sheneýnikteri Reseı Kıevke jappaı shabýyl jasaýǵa daıyndalyp jatqanyn eskertti.

Reseı prezıdenti Vladımır Pýtın Máskeýdiń talaptary oryndalmaıynsha, áskerı áreketter toqtamaıtynyn aıtady. Ol Qyrymdy Reseıdiki dep taný, separatıstik DHR men LHR-dyń táýelsizdigin moıyndaý týraly shart qoıyp otyr.