Sanksıa salynǵan Pýtınniń qos qyzy týraly ne belgili?

/image/2022/04/07/crop-22_9_436x774__107950851_tass_160306.jpg.webp

AQSH alǵash ret Reseı prezıdenti Vladımır Pýtın otbasynyń ókilderine sanksıa salmaq. Resmı derek boıynsha Pýtın 2013 jyly áıeli Lúdmılamen ajyrasatynyn málim etken. Eresek eki qyzy bar. Reseı prezıdenti otbasy týraly kóp aıta bermeıdi. Qyzdarymen túsken sońǵy sýret osydan 10 jyl buryn jarıalanǵan.

The New Times-tyń jazýynsha, Pýtınniń úlken qyzynyń aty-jóni – Marıa Voronsova.

SMI: doch Pýtına ı dýhovnık prezıdenta stalı ýchastnıkamı konferensıı po redaktırovanıý genoma cheloveka - TOPNews.RU

Reuters agenttigi Marıa Voronsova 2015 jyly Máskeý memlekettik ýnıversıtetiniń fýndamentaldyq medısına fakúltetin bitirgenin, endokrınologıa salasynda jumys isteıtinin jazǵan. Birqatar aqparat quraldary Pýtınniń úlken qyzy bıznesmen Iorrıt Ioost Faassenge turmysqa shyqqanyn, Nıderlandyda turatyny týraly aqparat taratqan. 2022 jylǵy naýryzda Follow The Money basylymy Faassenmen habarlasyp suraǵanynda ol Pýtınniń qyzdarymen eshqashan nekede bolmaǵanyn aıtqan.

Marıa Voronsova medısına ǵylymdarynyń kandıdaty. 2017 jyly dısertasıa qorǵaǵan. VVS-diń orys qyzmeti anyqtaǵandaı, ol Reseıdegi densaýlyq saqtaý salasyndaǵy iri jeke ınvestısıalyq jobalardy uıymdastyrýǵa qatysatyn "Nomeko" kompanıasy ıeleriniń biri. VVS-ge Pýtınniń otbasyna jaqyn adam Voronsova Reseı prezıdentiniń úlken qyzy ekenin aıtqan.

AQSH-tyń qarjy mınıstrligi Voronsova Kreml genetıkalyq zertteýler úshin mıllıardtaǵan dollar baǵyttaǵan memleket qarjylandyratyn baǵdarlamalarǵa jetekshilik etetini, baǵdarlama tikeleı Pýtınge qaraıtyny týraly habarlaǵan.

Pýtınniń kishi qyzy "Ulttyq ıntelektýaldyq damý" qorynyń dırektory – Katerına Tıhonova. Bul týraly Reuters jáne Bloomberg agenttikteri 2015 jyly jazǵan. VVS-diń birneshe derekkózi de aqparatty rastaǵan.

Katerına Tıhonova stala kandıdatom naýk - Vedomostı

Sondaı-aq AQSH qarjy mınıstrliginiń 2018 jylǵy 6 sáýirdegi baspasóz relızinde Tıhonova Pýtınniń qyzy retinde aıtylady.

Pýtın Tıhonova qyzy ekenin eshqashan rastamaǵan, biraq teristemedi de. 2019 jylǵy jeltoqsanda jyl saıynǵy pres-konferensıada VVS korespondenti Farıda Rýstamova Pýtınge onyń qyzdary týraly suraq qoıǵanynda ol saýalǵa týra, naqty jaýap bermegen.

AQSH úkimeti Tıhonova Reseı úkimetine ári qorǵanys ındýstrıasyna kómektesetin haı-tek kompanıaǵa ıelik etedi deıdi.

2020 jylǵy kúzde baspasóz betterinde Pýtınniń qurbysy delingen Peterbýrg turǵyny Svetlana Krıvonogıh prezıdentten dostary arqyly "qymbat syılyqtar" alǵany, "Reseı" bankiniń aksıoneri bolǵany týraly jazdy.

Sondaı-aq Svetlana Krıvonogıhtiń qyzy Elızaveta prezıdentka qatty uqsaıtyny týraly aqparattar shyqty.

Pýtınniń baspasóz hatshysy Dmıtrıı Peskov Krıvonogıh degen áıel týraly buryn-sońdy estimegen málim etken.

Derekkóz: VVS

Sanksıa salynǵan Pýtınniń qos qyzy týraly ne belgili?

Qatysty tegter :

Qatysty Maqalalar