Sybaılas jemqorlyqqa qarsy qyzmet Kókshetaý qalasy polısıa basqarmasynyń laýazymdy tulǵalaryna qatysty basqa organnyń is júrgizýinde jatqan qylmystyq isti toqtatqany úshin kásipkerden 50 myń AQSH dollary somasynda aqsha qarajatyn alý faktisi boıynsha sotqa deıingi tergeý júrgizip jatyr. Bul týraly Antıkordyń baspasóz qyzmeti habarlady.

"8 shildede júrgizilgen jedel-tergeý is-sharalarynyń nátıjeleri boıynsha QPK-niń 128-baby tártibinde Kókshetaý qalasy polısıa basqarmasy bastyǵynyń orynbasary ustaldy. 9 shildede Kókshetaý qalasynyń tergeý soty kúdiktige qatysty "kúzetpen ustaý" túrindegi bultartpaý sharasyn sanksıalady. Qazirgi ýaqytta sotqa deıingi tergeý júrgizilýde. delingen Antıkor habarlamasynda.