Áleýmettik jelide "1 qyrkúıekte Qazaqstanda pandemıanyń jańa tolqyny bastalyp, lokdaýn jarıalanatyny" týraly aqparat tarady. Aqparatty DSM sanıtarlyq-epıdemıologıalyq baqylaý komıteti joqqa shyǵardy.

"Búgingi tańda, bárimiz kórip otyrǵanymyzdaı, koronavırýs aýrýynyń tómendeýi baıqalady. Nur-Sultan qalasy "sary" aımaqta, qalǵan aımaqtar "jasyl" aımaqta. Elimizde epıdemıologıalyq jaǵdaı turaqty. Biz barshańyzdy vaksına alýǵa jáne revaksınasıadan ótýge, qoǵamdyq oryndarda betperde taǵýǵa jáne múmkin bolsa, COVID-19 juqtyrmas úshin shet elderge sapar shekpeýge shaqyramyz. Karantın sharalardy kúsheıtý nemese jeńildetý týraly sheshimdi vedomstvoaralyq komısıa qabyldaıdy. Qazirgi kezde karantın jarıalaý týraly másele qarastyrylyp jatqan joq" dedi vedomstvonyń resmı ókili Erjan Baıtanaev. 

Sondaı-aq Erjan Baıtanov qazaqstandyqtardy áleýmettik jelidegi aqparattarǵa senbeýge shaqyrdy.