Ulybrıtanıa Syrtqy ister mınıstri Lız Trass qyrkúıekte bıleýshi Konservatıvtik partıanyń jetekshisi jáne premer-mınıstr bolyp saılanǵan jaǵdaıda, Qytaıdy Reseımen bir qatarda Ulybrıtanıanyń qaýipsizdigine qaýip tóndiredi dep jarıalaıtyny habarlandy. Bul týraly The Times gazetiniń deregine silteme jasaǵan Eurasia Daily aqparat agenttigi málim etti.

Basylym dereginshe, Trass Ulybrıtanıanyń syrtqy saıasatyn qaıta qaraýǵa, qaýipsizdik, qorǵanys jáne syrtqy saıasat máselelerine jańa keshendi sholý jasaýǵa ýáde bergen.

Londonnyń qaýipsizdik salasyndaǵy maqsattaryn anyqtaıtyn sońǵy qujat 2021 jylǵy naýryzda jarıalanǵan. Onda Reseı "Ulybrıtanıa úshin tikeleı qaýip" retinde sıpattalǵan. Al Qytaı saıası jaǵynan "Brıtanıalyq qundylyqtar men múddeler úshin úlken saldary bar eń mańyzdy geosaıası faktor", ekonomıkalyq jaǵynan "kez kelgen elge qaraǵanda jahandyq ósýge yqpal ete alady, bul – jahandyq ekonomıka úshin paıdaly bolady" dep sıpattaǵan.

Brıtan úkimetin kim basqaratyny 5 qyrkúıekte belgili bolady. Saýalnamalar Syrtqy ister mınıstri Lız Trass básekelesi burynǵy Qarjy mınıstri Rıshı Sýnaktan 30 paıyzǵa ozyp kele jatqanyn kórsetken.