Qasym-Jomart Toqaev Nur-Sultan qalasynyń ataýyn ózgertýge baılanysty pikir bildirdi. Bul týraly prezıdenttiń baspasóz hatshysy Rýslan Jeldibaı óziniń facebook paraqshasy arqyly habarlady.
"Parlamenttegi depýtattar toby elordanyń burynǵy Astana ataýyn qaıtarý týraly usynys bildirgeni málim. Depýtattardyń bul bastamasy týraly Prezıdent habardar. Halyq qalaýlylary, óz kezeginde turǵyndarmen kezdesýlerde aıtylǵan usynystarǵa, sondaı-aq referendým kezinde azamattardyń kóptegen ótinishterine súıendi.
Májilis depýtattarynyń usynysy memleket basshysynyń kelisimimen Konstıtýsıalyq zań jobasyna engizildi. Prezıdent Qazaqstannyń qazirgi memlekettiligin nyǵaıtýda jáne elordanyń irgesin qalaýda N.Á. Nazarbaevtyń sheshýshi ról atqarǵany tarıhı fakt dep sanaıdy. Sondyqtan Tuńǵysh Prezıdent atyndaǵy basqa nysandar óz ataýlaryn saqtap qalýy tıis", delingen habarlamada.
Eske salaıyq, 2 qyrkúıekte Májilis depýtattary Nur-Sultan qalasyna Astana ataýyn qaıtarýdy usynǵan bolatyn.
