Almatyda nárestelerdi satýmen aınalysqan uıymdasqan qylmystyq topqa qatysty tergeý sharalary bastaldy, dep habarlady AstanaTV arnasy.
Tártip saqshylarynyń dereginshe, zańǵa qarsy áreket etkender shaqalaqtardy balasy joq otbasylarǵa satpaq bolǵan. Búginde kúdiktiler ustalyp, ýaqytsha ustaý ızolátoryna qamalǵan. Oqıǵaǵa qatysty sotqa deıingi tergep-tekserý bastaldy.
"Aldyn ala sóz baılasqan adamdar toby ózderiniń balalarynan bas tartqysy keletin júkti áıelderdi jáne balalary joq erli-zaıyptyny izdegen. Sondaı-aq balalardyń týý týraly jalǵan kýáligin daıyndaýmen aınalysqany anyqtaldy. Atalǵan fakti boıynsha "Kámeletke tolmaǵandardy satý" baby boıynsha sotqa deıingi tergep-tekserý bastaldy" dedi ishki ister mınıstrliginiń resmı ókili Shuǵyla Turlybek.
Kúdiktiler qylmystyq kodekstiń 135-baby ("Kámeletke tolmaǵandar saýdasy, adamdar tobynyń aldyn ala sóz baılasýymen jasalǵan áreket") boıynsha 9 jyldan 12 jylǵa deıingi merzimge bas bostandyǵynan aıyrylýy múmkin.
Pikir qaldyrý