Sybaılas jemqorlyqqa qarsy qyzmet sheteldegi bankır, opozısıalyq saıasatker, Qazaqstan halyqaralyq izdeý jarıalaǵan Muhtar Ábilázovtiń sybaılasy elge qaıtaryldy.

Vedomstvo málimetinshe, "BTA-Bank" AQ burynǵy top-menedjmentine qatysty qylmystyq is boıynsha 2011 jyldan bastap izdeýde bolǵan "Jańa Qalqaman" JSHS-niń dırektory Pak Vıtalıı Leonıdovıch óz erkimen elge oralǵan.

"2006-2008 jyldar aralyǵynda atalǵan kompanıaǵa zańsyz nesıe berý arqyly Muhtar Áblázov pen onyń sybaılastary 8,9 mıllıard teńgeden astam qarajatty jymqyrǵan", - delingen habarlamada.

2019 jyly Pak QHR (Chendý q.) aýmaǵynda bolǵany anyqtaldy.

"Kúdiktiniń jaqyn týystarymen jáne advokatymen tıisti túsindirý jumystary júrgizilgennen keıin, Pak Qazaqstanǵa oralýǵa nıet bildirip, ol týraly jazbasha ótinish joldady. Bıyl 27 tamyzda QR İİM Interpoldyń kómegimen Pak Chendý qalasynan Almaty qalasyna kelip, tergeý ızolátoryna qamaldy" dep tolyqtyrdy vodomstvo ókili.