Qasym-Jomart Toqaev Reseı prezıdenti Vladımır Pýtınge Qazaqstan Respýblıkasy men Reseı Federasıasy arasyndaǵy dıplomatıalyq qatynastardyń ornaǵanyna 30 jyl tolýyna oraı quttyqtaý hat joldady, dep habarlady Aqorda. 

 – Keıingi onjyldyqta eki memleket berik dostyq pen tatý kórshilikke, ortaq tarıhı jáne rýhanı qundylyqtarǵa negizdelgen strategıalyq seriktestik pen shynaıy odaqtastyq qatynas ornatty. Qazaqstan men Reseıdiń úlgili yntymaqtastyǵynyń qazirgi deńgeıi Sizdiń Reseı memleketiniń basshysy retindegi zor úlesińizdiń arqasynda múmkin boldy.

Reseı – Qazaqstannyń senimdi saýda-ekonomıkalyq seriktesi, elimizdiń jetekshi ınvestorlarynyń biri. Ártúrli saladaǵy birlesken iri jobalardyń sátti júzege asyrylýy óńiraralyq dıalogtyń keńeıýine jáne jan-jaqty yntymaqtastyqtyń tereńdeýine yqpal etedi.

Qazaqstan men Reseı kópjaqty platformalarda, sondaı-aq eýrazıalyq keńistiktegi ıntegrasıalyq birlestikter aıasynda tyǵyz yntymaqtastyq ornatqan. Bul memleketterdiń uzaq merzimdi múddelerine saı keledi, – dep jazylǵan quttyqtaý hatta.