Jýrnalıs Vadım Boreıkonyń operatoryna tıesili kólikterdiń órtenýine baılanys tergeý bastaldy. Bul týraly Aqparat jáne qoǵamdyq damý mınıstrligi málim etti.

"Almaty qalasynyń İshki ister departamenti sotqa deıingi tergep-tekserý amaldaryn jasap, tıisti saraptama taǵaıyndady. Máseleniń mán-jaıy naqtylanyp jatyr. QR AQDM jýrnalısik qyzmetke kedergi keltirýge jol bermeıdi jáne barlyq qajetti kómekti kórsetedi" delingen komıtet aqparatynda.

Jýrnalıs Vadım Boreıko 20 aqpanǵa qaraǵan túni operatorynyń eki kóligi jarylyp ketkenin, oqıǵa úıiniń qasynda bolǵanyn aıtqan.

Sońǵy ýaqytta Qazaqstanda táýelsiz jýrnalıser men redaksıalarǵa shabýyl jıilep ketti. Áldekimder El medıa redaksıasynyń terezesin eki ret syndyryp ketse, Orda, Ulysmedıa portaly men saıt jetekshileri birneshe márte kıbershabýylǵa ushyrady. Jýrnalıs Dınara Egeýbaevanyń kóligin órtep ketse, taǵy bir jýrnalıs Serik Joldasbaıǵa áldekim messendjer arqyly qoqan-loqy kórsetken. Jýrnalsıt Mıhaıl Kozachkov qylmystyq uıym jumysyna kómektesti dep aıyptalyp otyr.