Búgin "Integratıvti medısına – onkologıany emdeýge bolady" taqyrybynda baspasóz konferensıasy ótti. Integratıvti medısına klınıkalary jelisiniń negizin qalaǵan dáriger Dmıtrıı Raevskııdiń aıtýynsha, jarty jyl ishinde klınıkada em alǵan qaterli isikke shaldyqqan 300-ge jýyq adam aýrýdan aıyqqan, dep jazady  informburo.kz.

Integratıvti medısına klınıkalarynda onkopsıhologıa ádisteri men qaterli isikpen kúresý úshin tabıǵı ımmýnostımýlátorlar qoldanylady. Onyń arqasynda mamandar leıkemıa, sút bezi qaterli isigi, mı isikteri sekildi aýyr dıagnozdar qoıylǵan naýqastardy emdeýde sátti nátıjelerge jetken. Dárigerdiń aıtýynsha, bul tásil qaterli isikke qarsy emdeýdiń resmı hattamalaryna qaıshy kelmeıdi.

"Kóptegen aýrýlardy sanamen jumys isteý arqyly emdeýge bolady. Adam aýrýynyń sebepteri týraly barlyq jaýap onyń túpsanasynda jatyr. Qanshama jyl júrgizgen tájirıbe sanamen jumys isteý arqyly onkologıany emdeýge bolatynyna dálel. Hımıalyq terapıa kómektese almaǵan adamdar bizge kelip saýyǵyp jatyr. Adamdar onkologıany "jazylmaıtyn qorqynyshty aýrý" dep oılamasa eken deımin. Óıtkeni, ımýnıtetti aýrýǵa qarsy turýǵa úıretýge bolady. Túpsanamen jumys isteýdi men oılap tapqan joqpyn, bul álemde bar praktıka. Adamnyń túpsanasymen jumys istep, ımmýnostımýlátorlar tańdap, adamdy emdep shyǵamyz.  Ókinishke qaraı, qaterli isikpen aýyratyndar kóbeıip jatyr", – dedi Dmıtrıı Raevskıı.

Ol ózi qoldanatyn dári-dármekter tabıǵı, eshqandaı janama áserleri joq jáne aǵzany nyǵaıtyp, ımýnıtetti kúsheıtýge, adamnyń tez jazylýyna kómektesetinin aıtty.

"Ár adamda kún saıyn qaterli isik jasýshalary paıda bolady. Adamnyń ımýnıteti olardyń kózin joıyp otyrady. Bir kúni ımýnıtette aqaý bolyp, jasýshalarmen kúrese almaı qalady. İsik tez bólinip, tinderge enip, denege taraıdy. İsik adamnyń organızmimen qorektenedi. Imýnıtet olardy baıqaı almaıdy. Bir aı ótken soń ımýnıtet oıanyp, olardy baıqap, kózin joıýǵa tyrysady. Al qaterli isik mýtasıalanyp, ımýnıtet olardy qaıtadan kórmeı qalady. Qaterli isik neıro ýyttar shyǵaryp, aýrýdy sezinýge májbúr etedi. Al biz ımýnıtettiń qaterli isikti baıqaýy úshin bárin jasaımyz. Ol úshin aldymen adamnyń psıhologıasymen jumys isteımiz. Immýnostımýlátorlar ımýnıtettiń jumys istep, qaterli isikpen kúresýine kómektesedi. Bul tájirıbe kóptegen elde qoldanylady. Nátıjesi óte jaqsy", – dedi ıntegratıvti medısına klınıkalar jelisiniń negizin qalaýshy. 

Tórt jasar Myrza Satqanǵa ortasha klınıkalyq dekompensasıa satysynda mı baǵanynyń qysylýymen artqy bas súıek shuńqyrynyń isigi degen dıagnoz qoıylǵan. Integratıvti medısına klınıkasynda eki aı emdelip, aıaqqa turǵan.

"Byltyr shilde aıynda balamnyń basynda isik paıda boldy. Astanaǵa baryp operasıa jasaǵanda isiktiń 90 paıyzyn alyp tastady. Biraq 10 paıyzy qalyp qoıdy. Balam alty saǵattyq operasıany ázer kóterdi. Balam hımıaterapıany kótere almaıtyn bolǵan soń odan bas tarttym. Astanada dárigerden konsýltasıa aldym. Balamdy aýrýhanadan shyǵardyq. Operasıadan keıin eki aı otyra almady, aýyzyn jaba almady. Osy klınıkada bes kún em aldyq. Bir aıda aıaqqa turyp, eki aıda jazylyp kettik", – dedi balanyń ákesi. 

Dáriger Dmıtrıı Raevskıı ádisi baýyr sırrozy, ekzema, psorıaz, qalqansha beziniń aýrýlary, skleroz sekildi aýtoımmýndy aýrýlary bar adamdarǵa da kómektesedi. Endi ol Qazaqstanda klınıkalar jelisin keńeıtýdi josparlap otyr.

"Bul – Amerıkanyń eksperımentaldy júıesi. Basqa elge barmaı, Qazaqstanda da arzan baǵamen emdelýge bolady. Kóp adam qabyldaý úshin emhanamyzdy keńeıtkimiz keledi. Qazir aıyna jıyrma adam ǵana qabyldaı alamyz. Biz onkologıamen ǵana emes, aýtoımmýndy jáne psıhologıalyq aýrýlardy emdeımiz", – dedi Dmıtrıı Raevskıı.