Saıasatker Muhtar Taıjan "beıbit jıyn tártibin buzdy" degen aıyppen 15 táýlikke qamaldy, dep jazdy belsendi Marat Turymbetov áleýmettik paraqshasynda.
Eske sala keteıik búgin Muhtar Taıjandy polısıa úıinen alyp ketken edi. Ol ózge áriptesterimen birge Astanada ustalǵan jańaózendikterdi qoldap, baspasóz konferensıasyn uıymdastyryp, málimdeme jasamaq bolǵan.
Sonymen qatar, Muhtar Taıjan 9 sáýir kúni Halyqtyq parlament ókilderimen birge saılaý nátıjelerine qarsy mıtıń uıymdastyrǵan bolatyn. Biraq Rysbek Sársenbaı el aldynda mıtıń jaýapkershiligin óz moınyna alatynyn habarlaǵan. Alaıda polısıa Taıjandy sol mıtıń úshin 488 bap boıynsha aıyptaǵan.
Pikir qaldyrý