Reseıdiń 23 qalasynda opozısıadaǵy saıasatker Alekseı Navalnyıǵa qoldaý bildirgen aksıa ótip, 100–den astam adam qamaýǵa alynǵan. Ustalǵandardyń tórtten biri – kámeletke tolmaǵandar, dep málimdedi "OVD-Info" quqyq qorǵaý uıymy. 

Máskeýde aksıaǵa shyqqan 60 tan astam adam, al Sankt–Peterbýrgte 10 nan astam adam ustalǵan. Qalǵan 30 ǵa jýyq adam Reseıdiń ózge 21 qalasynan qamaýǵa alynǵan, dep habarlady Azattyq radıosy.

Reseıdiń Vladımır qalasynda qatań rejımdegi kolonıada qamaýda otyrǵan oppozısıoner Alekseı Navalnyı 4 maýsymda 47 jasqa tolǵan boltany. Aksıa ótkizýge Reseı bıligimen kelisim bermegen. Alaıda belsendiler jalǵyz adamdyq pıketke shyǵyp, úgit qaǵazdaryn japsyryp, taratqan. Osylaısha Navalnyıdy qoldaıtynyn túrli joldarmen bildirgen.

"Navalnyı komandasynyń" málimdeýinshe, mundaı aksıa Reseıden bólek Avstralıanyń Sıdneı, Melbýrn, Brısben qalalarynda, Japonıa astanasy Tokıoda, Ońtústik Koreıada, Taılandta jáne Eýropanyń ondaǵan qalasynda bolǵan.