Shymkentte 5 tamyzda joǵalǵan qyzdyń máıiti jertóleden tabyldy, - dep habarlaıdy İİM baspasóz qyzmetine silteme jasap.

Eske salaıyq, 5 tamyzda Ál-Farabı APB-ǵa qyzdyń joǵalǵany týraly habarlama túsken bolatyn. Aǵasynyń aıtýynsha, 2004 jylǵy stýdent 4 tamyzda úıden belgisiz baǵytqa shyǵyp qaıta oralmaǵan. Túrkistan oblysynyń týmasy oqýyna baılanysty ýaqytsha ápkesiniń úıinde turǵan. Jedel-izdestirý jumystaryna Shymkent qalasy PD-niń barlyq jeke quramy jumyldyrylǵany habarlanǵan bolatyn.

BAQ-ta jáne áleýmettik jelide 18 jastaǵy qyzdyń iz-túzsiz joǵalǵany týraly habarlandyrý taratyldy. Úsh kún boıy úzdiksiz júrgizilgen izdeý jumystary oń nátıje bermedi.

"8 tamyz túngi saǵat 01:30 shamasynda Ál-Farabı APB-na týystary úıdiń jertólesinen joǵalǵan qyzdyń óli denesin tapqany týraly habarlady. Oqıǵa ornyna barǵan jedel tergeý toby jertóleden tósek jaımasyna oralǵan, denesinde zorlyq belgileri bar múrdeni anyqtady", - delingen habarlamada.

Boıjetkendi týǵan jezdesi óltirdi degen kúdikke ilingen.

QR QK-niń 99-baby "Adam óltirý" boıynsha sotaldy tergeý amaldary júrgizilip jatyr. Qajetti saraptamalar taǵaıyndaldy. Kúdikti ÝUI-ǵa qamaldy. Ózge aqparat QR QPK-niń 201-babyna sáıkes tergeý múddesinde jarıalaýǵa jatpaıdy.