Kólik mınıstrligi men «QazAvtoJol» ulttyq kompanıasy «Halyqtyq baqylaý» jobasyn iske qosty. Joba qoǵamnyń jol sapasyn arttyrýǵa belsendi qatysýyn kózdeıdi.

«Halyqtyq baqylaý» jobasynyń maqsaty – Qazaqstannyń árbir azamaty salynyp jatqan respýblıkalyq mańyzy bar avtomobıl joldary boıynsha qoǵamdyq baqylaýǵa shaqyrý. Kólik mınıstrligi óz kezeginde anyqtalǵan kemshilikter men máselelerge den qoıyp, ony qysqa merzimde sheshýdi qamtamasyz etedi» delingen «QazAvtoJol» ulttyq kompanıasy baspasóz qyzmetiniń habarlamasynda.

Azamattar respýblıkalyq mańyzy bar joldarda shuńqyr, tesik baıqaǵan jaǵdaıda 1403 baılanys ortalyǵyna habarlasyp, ótinim qaldyra alady. Tirkeý kezinde TAJ, baılanys nómirin, sondaı-aq turatyn eldi meken men oblysty kórsetý qajet.