Tirkeýsiz nemese jeke basyn kýálandyratyn qujattarsyz turǵany úshin 13 myńǵa jýyq adam jaýapqa tartyldy. Bul týraly İİM kóshi-qon qyzmeti komıtetiniń tóraǵasy Aslan Atalyqovtyń aıtty. 

Mundaı faktilerdiń eń kóbi Almaty, Qaraǵandy oblystary men Astana qalasynda tirkelgen. Qazaqstannyń 1267 azamaty ózderinde sheteldikterdiń turaqtaǵany týraly quzyrly organdarǵa ýaqytynda habar bermegen. Olardyń barlyǵy ákimshilik jaýapkershilikke tartyldy. Odan bólek, sheteldik jumys kúshin tıisti qujattarsyz paıdalanǵan 289 qazaqstandyq jumys berýshi ákimshilik jaýapkershilikke tartyldy.

Sheteldikter tarapynan 3126 kóshi-qon zańnamasyn buzý, onyń ishinde 1655 elde bolý merzimin buzý jáne 832 eńbek qyzmetin zańsyz júzege asyrý faktisi anyqtaldy.

Sot sheshimimen elden 284 adam shyǵaryldy. Olar endi 5 jyl Qazaqstanǵa kire almaıdy.