Prezıdent ákimshiligi sáýirde esirtki qylmysymen kúreske arnalǵan jıynda oıyn-saýyq oryndarynyń ýaqytyn shekteýdi usyndy. Olardyń aıtýynsha, túngi klýbtarda adamdar ishimdik iship, esirtki tutynady, saldarynan qylmys jasaıdy. 
Oıyn-saýyq oryndarynyń ıeleri jumys ýaqytyn shekteýge qarsy. Úkimet kofehanalar, barlar men túngi klýbtardyń jumysyn túngi saǵat 2-ge deıin qysqartatyn qujat ázirlep jatyr. Bul qylmyspen kúresý úshin jasalyp otyr.

“Premer-mınıstrdiń orynbasary Baınazarov. N.S. "Atameken" ulttyq kásipkerler palatasymen birlesip, 15 maýsymǵa deıin oıyn-saýyq mekemeleriniń jumys ýaqytyn 2:00-ge deıin zańnamalyq turǵydan shekteý týraly usynystar engizsin”, – delingen prezıdent ákimshiliginiń basshysymen kezdesý hattamasynda. Kópshilik bul usynysty qoldamaıdy. “Alkogóldi ónimderdi satýdy baqylaý kerek shyǵar. Al shekteýdiń ózi qylmys deńgeıine áser etpeıdi. Jastar túnde qydyrǵandy unatady. Biraq munyń qylmys jasaýǵa esh qatysy joq. 5-16% qylmys qana mas kúıde jasalǵan, biraq bul qylmysqa áser etpeıdi dep oılaımyn”, – dedi prokýratýranyń burynǵy qyzmetkeri Dáýlet Shamataev.

Bólshek saýda jáne qoǵamdyq tamaqtandyrý qaýymdastyǵy da mundaı shekteýlerge qarsy. Kásipkerler bul konstıtýsıaǵa, saýda zańnamasyna jáne kásipkerlik kodekske qaıshy keledi dep esepteıdi.

“Bul talapty zańsyz dep esepteımiz. Orynsyz nárselerdi oılap tabýdyń qajeti joq. Normatıvtik-quqyqtyq aktilerde bári áldeqashan jazylǵan. Polısıa óz sharalaryn quqyqbuzýshylyqtar men qylmystardyń aldyn alýǵa baǵyttaýy kerek. Al qylmys qaıtalana berse nemese qandaı da bir aýyr qylmys jasalǵan jaǵdaıda sot tártibimen qyzmetti toqtata turady”, – dep málimdedi bólshek saýda jáne qoǵamdyq tamaqtandyrý qaýymdastyǵynyń vıse-prezıdenti Olga Egorova. Pandemıa kezinde oıyn-saýyq bıznesi qatty zardap shekti, kóptegen túngi klýbtar jabyldy, al qalǵandary daǵdarystan endi ǵana shyǵyp jatyr deıdi qoǵam belsendileri. Jańa shekteýler qysym men búdjetke túsetin salyqty tómendetedi.