Almatyda taksı júrgizýshileri men kýrerler respýblıkalyq referendým ótkizýin qoldap, qala turǵyndaryn azamattyq belsendilik tanytýǵa shaqyrdy. 

Taksı jáne jetkizý qyzmetkerleri ár daýystyń mańyzdy ekenin atap ótti, sebebi referendým – óz ustanymyn bildirý jáne eldiń bolashaǵyna áser etý múmkindigi.

Almaty taksı júrgizýshileri kún saıyn onshaqty kósheden ótip, júzdegen adammen kezdesedi jáne úlken qalanyń ómirine kýá bolady. Rúlde olar jolaýshylardyń áńgimelerin, bolashaqqa degen úmitterin jáne ýaıymdaryn estıdi.

Sol sebepti, olar aıtyp ótkendeı, eldiń erteńi qandaı bolatyny olarǵa beı-jaı emes.

«Biz kún saıyn adamdarmen jumys isteımiz, qalanyń qalaı ómir súrip jatqanyn kórip, jolaýshylardyń ne oılaıtynyn bilemiz. Qazaqstannyń damyp, alǵa jyljýy biz úshin mańyzdy. Sondyqtan barlyq azamattardy beı-jaı qalmaı, saılaý ýchaskelerine kelýge shaqyramyz», — deıdi olar.

Kýrerler men taksı júrgizýshileri senedi: eldiń bolashaǵy ár adamnyń sheshiminen turady. Referendýmǵa qatysý – azamattyq ustanymyn bildirý jáne memleket damýyna óz úlesin qosý múmkindigi.

«Ár daýys mańyzdy. Bizdiń belsendiligimiz Qazaqstannyń erteńi qandaı bolatynyn anyqtaıdy — biz úshin, balalarymyz úshin jáne keler urpaq úshin», — deıdi júrgizýshiler qaýymdastyǵynyń ókilderi.

Olardyń aıtýynsha, jumys kestesi qatań bolsa da, olar 15 naýryzda saılaý ýchaskelerine baryp, óz tańdaýyn jasaýǵa ýaqyt tabýdy josparlap otyr.