Almaty oblysy týrızm salasyndaǵy negizgi kapıtalǵa ótken jyly ınvestısıa kólemi boıynsha 60,05 mlrd teńgege jetip, Qazaqstanda ekinshi oryn alǵan jańa rekord ornatty, dep habarlaıdy Qamshy.kz aqparat agenttigi.

Almaty oblysynyń ákimdigi buǵan jeke ınvestısıalarmen qarjylandyrylatyn 13 jobany iske asyrý dálel bolyp tabylatynyn habarlady. 2024 jyly óńir halyqaralyq arenada ilgeriletýge basa nazar aýdara otyryp, týrısik áleýetti belsendi damytýdy jalǵastyrýda.

"Qytaı Halyq Respýblıkasyndaǵy Qazaqstan týrızm jyly" aıasynda Almaty oblysy Beıjińdegi óziniń TOP-20 týrısik nysanyn tanystyrdy, sondaı-aq Qytaı týroperatorlarymen iskerlik kelissózder júrgizdi. Naýryz aıynda oblys Qazaqstandaǵy Hanhoa (Vetnam) provınsıasynyń týrızm men saýdany ilgeriletý jónindegi konferensıasyna qatysyp, dostyq qarym-qatynastardy nyǵaıtý jáne týrısik baılanystardy damytý úshin ózara saparǵa resmı shaqyrý aldy.

Aıta ketý kerek, Almaty oblysy tek halyqaralyq sharalarmen ǵana shektelmeıdi. Óńirde agrotýrızm, qolóner jáne shyǵarmashylyq ındýstrıa belsendi damyp keledi. "Altyn Adam kreatıv ortalyǵy" qoǵamdyq birlestigimen yntymaqtastyq týraly Memorandýmǵa qol qoıyldy, bul osy baǵyttardyń damýyna serpin beredi.

- 2024 jyldyń alǵashqy bes aıynda 370 myńnan astam saıahat jáne prıklúchenıa áýesqoılary qazaqstandyq tabıǵattyń asyl tastary — Esik kóli, Kólsaı jáne Qaıyńdy, Sharyn kanony men Qaskeleń shatqalyna bardy. Bul tabıǵı kórikti jerlerdiń ásemdigi men biregeıligi saıahatshylardyń júreginde árdaıym jańǵyryp otyratynyn aıqyn kórsetedi, - dep atap ótti Almaty oblysy týrızm basqarmasynyń basshysy Qýanysh Mırambekuly.