Almatyda artyq salmaqtan arylý úshin lıposaksıa jasatqan 47 jastaǵy áıel kóz jumdy, dep jazady inbusiness.kz saıty.

8 shildede týǵan kúnin atap ótkisi kelgen marqum qýanyshyna bir táýlik jetpeı jer qoınyna tapsyryldy. Artynda 3 balasy qaldy.

Hırýrgıalyq operasıadan keıin Quralaı Batyrhanovanyń jaǵdaıy nasharlap, jekemenshik klınıkada jan tapsyrǵan. Marqumnyń jaqyndary bolǵan iske dárigerlerdi kinálap otyr. Sózderinshe, medısınalyq mekemedegiler 2 mıllıon teńgelik otanyń sońy ólimge ákelýi múmkin ekenin eskertpegen.

"AMIRA" Plasıkalyq hırýrgıa jáne kosmetologıa klınıkasynyń bas dárigeri Danıar Ýrmýzın klınıkada buǵan deıin adam ólimi bolmaǵanyn, moraldyq jaýapkershilikten jaltarmaıtynyn aıtyp otyr.

Polısıa atalǵan jaıtqa baılanysty qylmystyq is qozǵaǵan.