Qazaqstanda keıingi 17 jylda alǵash ret pedıatr dárigerler oqý bitirip shyqty

/image/2024/07/15/crop-43_13_426x757_52804e3a-4044-421f-af28-8a99c07d2a89.jpeg

132 maman taǵylymdamadan ótý dıplomyna ıe boldy. Onyń ishinde halyqaralyq olımpıadalar men jarystardyń jeńimpazdary, sondaı-aq úzdik dıplom ıegerleri bar.

Pedıatrıa densaýlyq saqtaý júıesinde negizgi ról atqarady. Ol balalardaǵy aýrýlardy erte anyqtaý jáne emdeýdi, profılaktıka men vaksınasıany qamtamasyz etedi. Sondaı-aq damý men ósýdi baqylap, balalar ólimin azaıtýǵa járdemdesip, ata-analarǵa qoldaý kórsetedi. 

Densaýlyq saqtaý mınıstrliginiń málimetinshe, rezıdentýrada osy mamandyq boıynsha joǵary bilimi bar kadrlardy elimizde 8 medısınalyq joǵary oqý orny men 2 ǵylymı-zertteý ınstıtýty daıyndaıdy. 

Densaýlyq saqtaý mınıstrligi jyl saıyn óńirlerdiń qajettigin eskere otyryp, bakalavrıat boıynsha 500 memlekettik bilim grantyn, sondaı-aq rezıdentýraǵa 153 grant bóledi.

Aıta keteıik, 2006 jyly TMD elderinde medısınalyq bilim berýdiń jańa standarty qabyldandy. Atap aıtqanda, "pedıatrıa" jáne "sanıtarlyq gıgıena" mamandyǵyn jabý týraly sheshim qabyldandy. 2007 jyldan bastap barlyq ınstıtýttar pedıatrıa mamandyǵy boıynsha oqýǵa stýdentterdi qabyldaýdy toqtatty. Jańa 5+2 "jalpy medısına" júıesi boıynsha bes jyl bakalavrıat jáne eki jyl ınternatýra boıynsha oqytý bastaldy.

Qatysty tegter :

Pikir qaldyrý

Qatysty Maqalalar