ASTANA. QazAqparat - Elimizdegi úshinshi qala mártebesine talpynyp otyrǵan Shymkent bıyl qala kúnin jeti túrli ataýmen jeti kún toılamaq, dep habarlaıdy OQO ákiminiń baspasóz qyzmetinen. 
Ár kún derbes ataýǵa ıe bolyp, sonyń aıasynda uıymdastyrylatyn tárbıelik máni bar merekelik sharalar turǵyndardyń qalaǵa degen súıispenshiligi men patrıottyq sezimin oıatady degen senimdemiz, dedi QR Prezıdenti janyndaǵy Ortalyq komýnıkasıalar qyzmetiniń oblystyq fılıalynda ótken brıfıńte qala ákiminiń keńesshisi Nurlybek Jeńisbek. 

Qazaq handyǵynyń 550 jyldyǵyna oraı, shyraıly Shymqala týǵan kúnin osylaısha erekshe atap ótpek. 

Qazannyń 10-17 kúnder aralyǵynda ótetin merekelik sharalardyń birinshi kúni «Jańarý men tazalyq» aıdarymen ótse, ekinshi kúni «Salamatty ómir salty kúni», úshinshi kúni «Bolashaqtaǵy Shymkent» dep belgilenip otyr. 

Al tórtinshi kún «Shymkent - dostyq mekeni», al besinshi kún «Ǵasyrlar toǵysyndaǵy qala» bolyp atalyp ótse, altynshy kún «Shýaǵyn shashqan Shymqala» shattyq kúni aıdarymen toılanady. «Úlkenge qurmet, kishige izet bildirgen dana halqymyz jetinshi kúndi «Yrys aldy - yntymaq» qaıyrymdylyq kúnine arnaıtyn bolady. 

Sonymen qatar, merekelik sharada at báıgesi, qyz qýý, taǵy basqa ulttyq sport oıyn túrlerinen jarystar uıymdastyrylyp, elimizdiń estrada juldyzdary men sheteldik ánshiler óner kórsetedi.

«Shymkent Qazaqstannyń eń kóne qalasy mártebesin ıelenýi múmkin. Tarıhshy arheologtardyń zertteýinshe Shymkent qalasyna 2200 jyl tolyp otyr. Bul ataqty alý úshin búginde BUU-na tıisti qujattardy jiberip otyrmyz. Eger maquldansa, 2017 jyly Shymkent 2200 jyldyq tarıhy bar qala atanady»,- dedi N.Jeńisbek.

Derekkóz. qazAqparat