ASTANA. QazAqparat - Respýblıkalyq «Qamqorlyq» aılyǵynyń aıasynda Eýrazıalyq Top (ERG) quramyna kiretin Eýroazıalyq energetıkalyq korporasıasy 1300-den astam burynǵy qyzmetkerlerin quttyqtap, olarǵa qurmet kórsetti.
Zeınetkerler úshin merekelik sharalar uıymdastyrylyp, azyq-túlik paketteri berilip, materıaldyq kómek kórsetildi, sonymen birge, korporasıanyń saýyqtyrý mekenine tegin joldamalar syıǵa tartyldy. Osy sharalarǵa óndiris orny 10 mln teńgeden astam jiberdi, dep Eýrazıalyq energetıkalyq korporasıanyń baspasóz qyzmeti.  

- Kásipornymyz zeınetke shyqqan qyzmetkerlerin árqashan este saqtaıdy, olarǵa kómek kórsetedi. Kásipodaq komıteti, ardagerler jáne jastar keńesteri, sehtardyń kásipodaq komıtetteriniń tóraǵalary buǵan zor úles qosty. Bizdiń jumyskerlerimiz ardagerlerge kelip, úı sharýashylyǵyna qolǵabys jasaıdfy, merekelerde quttyqtaıdy. Aılyq aıasynda  jasap júrgen isterimiz - bir jylda júrgizilgen jumysynyńaz ǵana bóligi, - deıdi «EEK» AQ-nyń vıse-prezıdenti Tatána Nosacheva.

Kúzdiń basynda 200 zeınetker Baıanaýyldaǵy «Jasybaı» demalys ornynan demalyp keldi. Olar úshin arnaıy baǵdarlama ázirlenip, konsert, saıystar, ekskýrsıalar ótkizildi.       1343 zeınetker úshin EEK materıaldyq kómek kórsetip, azyq-túlik paketterin taratyp, kásiporynnyń balyq sharýashylyǵynan tuqy balyǵyn bóldi. Aqsý, Ekibastuz jáne Pavlodar qalalaryndaǵy EEK 70 ardageri kásiporynnyń saýyqtyrý ornyna tegin joldama aldy. Buǵan kompanıa tarapynan 3,5 mln teńge bólindi. Peshpen jylynatyn úılerde turatyn zeınetkerlerge segiz tonna kómir aqysyz beriledi. Sonymen birge, kásiporyn áleýmettik jaǵdaıy tómen Pavlodar oblysynyń turǵyndaryna 1500 tonna kómir bóldi. Elektr stansıasy kásipodaq komıtetiniń qyzmetkerleri bólimsheniń 160 zeınetkeri men ardageri úshin  «Meıirimdilik jáne syılastyq kúnin» uıymdastyrdy, onda konsertter qoıylyp, saıys, oıyndar ótkizdi:

Aılyq aıasynda jastar keńesiniń belsendileri EEK atynan Aqsý óńiriniń 106 múgedek-balasyna tátti azyq-túlik paketterin taratady. Al kásiporynnyń kórkem ónerpazdary Qarttar úıiniń qamqorlyǵyndaǵy adamdardy jáne Aqsý qalasynyń múgedek adamdaryna merekelik keshterdi uıymdastyrady. Aılyq sheńberinde «Shyǵys» kenishiniń kásipodaq komıteti «Úmit» balalar úıiniń qaıyrymdylyq asyna jáne t.b. sharalaryna úsh júz myńnan astam teńge jiberdi. Sonymen qatar, kenshiler ardagerlerdiń kólikjaıyn jóndep, Ekibastuz qalasynyń zeınetkerlerine otyn taratty.  

Osylaı Eýrazıalyq energetıkalyq korporasıa burynnan júrgizilip jatqan qamqorlyq dástúrlerin jalǵastyrdy. Kásipornynyń úlesi óńirdiń áleýmettik-ekonomıkalyq jaǵdaıynyń jaqsarýyna yqpalyn tıgizip, iskerlik jaýapkershiliginiń de úlgi-ónegesi bolmaq.

Derekkóz: Qazaqparat