PETROPAVL. QazAqparat - Soltústik Qazaqstan oblysynyń ákimi Erik Sultanov jumys saparymen Ýálıhanov aýdanynda boldy. Bul týraly aımaq basshysynyń baspasóz qyzmetinen habarlaıdy.

«Ýálıhanov aýdanynda óńir basshysy «Severnaıa Nıva» JSHS nan qabyldaý kásipornynyń qurylys barysymen tanysty. Munda syıymdylyǵy 60 myń tonnalyq shaǵyn elevatordy jyl sońynan deıin tapsyrýdy josparlap otyr. Paıdalanýǵa berý kezeńinde kásiporynda 40 adam jumyspen qamtylady», - delingen habarlamada.

Kókterek aýyldyq okrýginde Erik Sultanov egin jınaý naýqanymen tanysyp, «Agrofırma «Qyzyltý-NAN» JSHS, «Joldaspaı-Agro» SHQ jáne «Iýnaıt-ınvest» JSHS egistiginde boldy. Aımaq basshysy dıqandarǵa kúzgi naýqandy tabysty aıaqtaýyn tiledi.

Sondaı-aq Erik Sultanov Ýálıhanov aýdanynyń Qaırat aýylynda bolǵan. Aýyl oblys ortalyǵynan 500 shaqyrym jerde ornalasqan. Munda oblys ákimi jergilikti aktıvpen kezdesti. Okrýg turǵyndary ózderiniń problemalarymen bólisip, aımaq basshysyna tilekterin jetkizdi. Aýylda uıaly baılanys, ǵalamtor joq. Qaırat orta mektebiniń ujymy ınteraktıvtik taqtanyń joq ekenin aıtyp otyr. Erik Sultanov aýyl turǵyndaryn muqıat tyńdap ótip, árbir máseleni sheshýdiń múmkindikterin  qarastyrýǵa ýáde etti.

Erik Sultanov kúre joldy qalpyna keltirý jáne bekitý boıynsha jumystar, sý ótkizýshi qubyrlardyń qurylysy jáne Qaırat aýyldyq okrýginiń aýdandyq mańyzy bar Qýlykól-Qaratal avtomobıl jolynyń jer tósemin salý barysymen tanysyp ótti. Qazirgi kezde munda kóktemgi sý tasqynynan keıin kúrdeli jóndeý jumystary júrgizilýde.

Aımaq basshysynyń barǵan sońǵy orny «Jaqsy tuz Petropavl» JSHS boldy. Munda geologıalyq barlaý boıynsha jumystar aıaqtalyp, tuzdy sapaly óndirýge arnalǵan kombaın satyp alynǵan.

Derekkóz: QazAqparat