TARAZ. QazAqparat - Qazaqstanda jańa qýatty brend - «Kóne Taraz» tarıhı-mádenı ortalyǵy paıda bolady, dep málimdedi Jambyl oblysy ákiminiń orynbasary Erqanat Mánjýov.
«Bizdiń oblysymyz alǵash ret Jambyl oblysynyń halyqaralyq týrısik brendine aınalatyn orasan zor jobany alady. Túrkitildes memleketterdiń yntymaqtastyq keńesiniń IV samıti kezinde  Elbasy túrki áleminde týrızmdi damytý úshin birlesken týrısik ónim shyǵaryp, Uly Jibek joly brendin paıdalanýdy usyndy. Belgili bolǵandaı, Qazaqstanda «Batys Eýropa-Batys Qytaı» halyqaralyq kólik magıstralindegi bizdiń ýchaskemizdiń qurylysy aıaqtalyp jatyr. Biz kólik ınfraqurylymy men týrısik klasterdiń damýynyń arqasynda oblysymyzǵa keletin týrıser aǵyny kóbeıedi dep sanaımyz», - dedi E.Mánjýov. 

Jambyl oblysy ákiminiń orynbasary «Kóne Taraz» arheologıalyq parkiniń Qazaq handyǵynyń 550 jyldyǵyn merekeleýdiń eń iri nysanyna aınalatynyn atap ótti. Saltanat kúnderi 2011 jyldan beri arheologıalyq qazba jumystary júrgizilip jatqan Tarazdyń burynǵy Ortalyq bazary ornynda «Kóne Taraz» arheologıalyq parki ashylady. Onda tarıhı jasandylardan basqa «Myńbulaq» saıabaǵy, «Taraz áýenderi» alańy, qaraý munarasy, Dostyq úıi men kongres-holdyń janynda etnomádenı ortalyq ashylady.

«Buǵan deıin oblysymyzdyń tarıhı brendi «Qarahan», «Aısha bıbi», Tekturmas, Balasaǵun keseneleri edi. Endi bizde jańa orasan zor brend - «Kóne Taraz» paıda bolýda. Qazba jumystary kezinde munda VI-XII ǵasyrlardaǵy shamamen 40 myńǵa jýyq jasandy zat, ortaǵasyrlyq qamal, VIII-IX ǵasyrlardaǵy meshit, medrese, kóne Talas ózeni ańǵarynyń jaǵalaýy, turǵyn qurylystardyń irgetastary, tas tóselgen jol, Qarahanıdter dáýiriniń kóne sý qubyry tabyldy».

Eske sala keteıik, bıyl Qazaq handyǵynyń 550 jyldyǵyn merekeleý elimizdiń barlyq aımaqtarynda ótip jatyr. 550 jyl buryn Talas pen Shý ózenderiniń arasyndaǵy Jaısan shatqalynda Kereı men Jánibek sultandar Qazaq handyǵynyń negizin qurǵan Jambyl oblysynda 7,8,9 qazan kúnderi aıtýly sharalar  ótedi. 

Derekkóz: Qazaqparat