AQTÓBE. QazAqparat - Aqtóbe oblysynyń ákimi Berdibek Saparbaev jol-kólik apatynda zardap shekkenderge kómek kórsetti
Oblys ortalyǵynyń Kýrsant tasjolynda 25 qyrkúıekte tórt jeńil mashınanyń qatysýymen jol-kólik apaty boldy. Olardyń birinde zań ınstıtýtynyń oqytýshylary 24 jastaǵy polısıa maıory Janbolat Qulǵarın men 27 jastaǵy polısıa kapıtany Altynbek Dilimov kele jatty. Soqqydan mashına qarsy bettegi jolǵa shyǵyp ketti. Janbolat aldyndaǵy tereze áıneginen ushyp ketti.

Osy kezde jolda oblys ákimi Berdibek Saparbaevtyń korteji kele jatqan, óńir basshysy kezekti jumys saparymen bara jatqan bolatyn. Jol-kólik oqıǵasyn  jáne asfáltta jatqan adamdardy kórip, oblys ákimi mashınany toqtatyp, oqıǵa ornyna keldi, birden qutqarý qyzmetin shaqyrdy jáne jedel járdem mashınasy kelgenshe kútip turdy.

Zardap shekken Janbolattyń qaryndasy Altynaı Qulǵarına Berdibek Máshbekulyna alǵysyn jaýdyrýda.

«Ony bizge Alla jolyqtyrdy. Apattan keın birden jedel járdem shaqyryldy, biraq ta ol keshikti. Oblys ákiminiń qońyraýy dárigerler men qutqarýshylardyń kelýin tezdetti», - deıdi ol.

Janbolat Qulǵarın Jedel járdem aýrýhanasynyń neırohırýrgıa bólimine bas mıynyń zamqymdanýymen jáne qabyrǵasy synyp tústi.

Altynbek Dilimovtiń kókbaýyryn ota jasap alyp tastady. Zardap shegýshilerdiń emdeýshi dárigeri Oksana Onoprıak olardyń birte-birte jazylyp kele jatqanyn aıtady. Al ofıserlerdiń ózderi adamgershilik kómegi úshin oblys ákimine tikeleı baryp, ózderiniń alǵysyn bildirmek.