TARAZ. QazAqparat - Tarazdan 40 shaqyrym qashyqtyqta ornalasqan Baızaq aýdany Úshbulaq aýylynda Shensı provınsıasynyń Sıan qalasynan Uly Jibek joly baǵytymen Tarazǵa kele jatqan kerýen ekspedısıasyn saltanatty túrde qarsy aldy.
Eske sala keteıik, 2014 jylǵy qyrkúıekte Sıannan ejelgi saýda jolymen «Qytaı - Qazaqstan: Uly Jibek jolynyń shaı mádenıeti» dostyq jáne yntymaqtastyq kerýeni Jibek jolynyń ekonomıkalyq beldeýin qurý ıdeıasyn qoldaý maqsatynda jolǵa shyqqan bolatyn. Kerýen Shensı provınsıasynda ósiriletin fýsa emdik dıan taqtashaıyn ákele jatyr jáne Tarazǵa qazaq memlekettiliginiń 550 jyldyq mereıtoıyn merekeleý bastalýyna jetýi tıis.
Jambyl oblysy ákimdiginiń baspasóz qyzmetinen habarlaǵandaı, kerýendi Jambyl oblysyndaǵy Qazaqstan halqy Assambleıasynyń ókilderi, Baızaq, Jambyl, Rysqulov aýdandary men Taraz qalasyndaǵy etnomádenı birlestikterdiń ókilderi qarsy alǵan.
Baızaq aýdanynyń M. Shúkeev dástúr boıynsha kerýendi basqaryp kelgen Djo De Shengýdiń ıyǵyna altyn jipterden tigilgen shapan japty. «Jańa Jibek joly» halyqaralyq akademıasy» QQ prezıdenti, «Qazaqstan dúngenderi qaýymdastyǵy» etnomádenı birlestigin basqaratyn Hýseı Daýrov pen Jambyl oblysy QHA sekretarıatynyń meńgerýshisi Larısa Lysova quttyqtaý sóz sóılep, óz sózderine Qazaqstan men Qytaı arasyndaǵy dostyq qarym-qatynasty aıtyp ótti.
«Sıan-Taraz» dostyq jáne yntymaqtastyq kerýeni 5 myń shaqyrym jol júrip, Jambyl jerine jetti. Kerýen quramynda 55 túıe bar, bul Qazaq handyǵy qurylýynyń 550 jyldyǵyn beıneleıdi. Sonymen birge 20 óte ádemi attar bar. Júzden astam kerýenshiler Tań áýleti dáýirindegi kıimder kıip, kúzetshileri ertedegi uzyn sapty naızalarmen qarýlanǵan», - dedi óz sózinde H. Daýrov.
Úshbulaq aýylyndaǵy «TauDos» saýyqtyrý kesheninde kerýendi qonaqjaılylyqpen qarsy aldy. Qonaqtarǵa qazaqtyń ulttyq taǵamdary usynyldy, konserttik baǵdarlama qoıylyp, ulttyq oıyndar kórsetildi. Sharaǵa 700-den astam Jambyl oblysynyń turǵyndary qatysqan.
Kerýen 5 qazan kúni Qazaq handyǵynyń 550 jyldyǵyn toılaýǵa Taraz qalasyna keledi. 6 qazanda Tarazdyń batysyndaǵy «Tórtkúl» kerýen-saraıynan Tuńǵysh Prezıdent saıabaǵyna deıin beıbit turǵyndardyń sherýi bolady. Sondaı-aq Tarazda «Shaı úıi» ashylady.
Qashyqtyǵy 5 myń shaqyrymnan asatyn saıahatty uıymdastyrýǵa Qazaqstannyń dúngen qaýymdastyǵy men «I-Ze Fýsa» kompanıasy (Sıan, Qytaı) bastamashy boldy Halyqaralyq ekspedısıanyń qazaqstandyq bóliginiń bas operatory Almaty oblysy kásipkerler palatasy men «Jańa Jibek joly» mádenı jáne ekonomıkalyq yntymaqtastyq halyqaralyq akademıasy» OF. Shara uıymdastyrýshylary - Sıan qalasynyń ákimshiligi, Almaty jáne Jambyl oblystarynyń, Almaty qalasynyń ákimdikteri.
