«Samuryq-Qazyna» AQ adam resýrstaryn basqarý jónindegi bas dırektory Denıel Krúsberg qordyń kadr saıasatyn transformasıalaýdyń alǵashqy nátıjesi týraly aıtty.
Onyń aıtýynsha, qordaǵy uıym­­­dastyrý mádenıetin, bas­qarý jáne kóshbasshylyq stılin óz­ger­tip, jumysshylardyń quzi­reti men daǵ­dysyn damytý kerek. Son­dyq­tan da is júzinde merı­tok­ratıa qa­ǵı­dalaryn únemi da­mytyp otyrýǵa nazar aýdarylady.
Denıel Krúsberg «qorǵa ju­mys­shy alý arqyly úderisti je­til­dirip, aldymyzǵa jańa maqsat-min­det qoıamyz. 2014 jyly ju­mys­qa alyn­ǵan mamandardyń 85 paıy­zy aǵyl­shyn tilin biledi. 2012 jyly olar­dyń úlesi nebári 30 paıyz bo­lypty. Byltyr qa­byl­danǵan ma­man­dardyń 90 pa­ıy­zy qazaqshany meńgergen. Olar­­dyń úlesi 2012 jy­ly 50 paıy­z edi. 2014 jyly qa­byl­danǵan úmit­kerlerdiń 70 paıyzy shetel dıp­lomyn alǵan. 2012 jyly bul kór­setkish 30 paıyz deńgeıinde bo­­latyn. Ótken jyly maman­dar­dyń 60 paıyzy halyqaralyq kom­panıadan kelgen. Bári oıda­ǵy­daı dep aıta almaımyn. Alaıda qara­paıym halyqaralyq stan­dartty en­gizý arqyly jetildirip ke­lemiz. Bizde bári jarıa túrde júr­giziledi. Bos oryndy jarıa­lap, jumysqa al­ǵan adamnyń qys­qasha túıin­de­mesin saıtqa or­nalastyramyz. 
Osy jyly qyzmetkerlerdiń reı­­tıngin anyqtaý bastalǵan. Osy maq­satta damýdyń jeke jos­pary ázir­lendi. Qor daryn­dy­lar­dy ju­mysqa tartýdyń úzdik jo­basyn júze­ge asyrýmen aına­ly­syp jatyr. Sa­raptama kórset­ken­deı, jaýap­ker­shiligine, atqa­ratyn mindet­teriniń ereksheligine qaramastan, ulttyq kompanıa­daǵy dırektor­lar­dyń jalaqysy bir­deı. 
Biz qordyń kompanıalar to­by­nyń barlyq qyzmetine greı­derlik tásil qoldanamyz. Alǵash­qy basta­ma retinde barlyq kom­pa­nıalar tobynyń 32 myń qyz­metkeri úshin belgili bir tártip júıe­sin engizdik. Bul jumystyń maq­saty – Qazaq­stan, TMD jáne álem naryǵynda jumys atqarý men onyń mazmunyn sa­lystyrý. Osy­laı biz daryndy­lardy al­mastyrýdyń tuǵyrnamasyn ja­saımyz.
«Samuryq-Qazyna» AQ bız­nes­ti transformasıalaý jónin­degi bas dırektory Adamas Ilk­ıavıchús qordyń negizgi bastama­lary týraly aıtyp berdi.
Adamas Ilkávıchústiń má­limdeýinshe, qordaǵy aktıvterdiń qunyn eseleý kerek. Buryn tek qor­dyń qunyn jınaqtady, bul onyń ju­mysyna áser etti. Adamas Il­kávı­chús «qazir birge birdi qo­syp, ná­tıjesinde, úshti berýimiz kerek. Hımıada reagentterdi qosý arqyly túrli reaksıany alýǵa bolady. Biz osy negizde basqarýy­myz kerek. Ashyq naryqta bizdiń barlyq kom­panıa oıynshy emes ekenin túsinýi­miz kerek. Sondyq­tan biz olardyń naryqtyq baǵa­syn anyqtaı almaı­myz. Biz olar­dy óz ádistememiz boıyn­sha baǵa­laı­myz. Bul – ózi­miz­diń jeke pi­kirimiz. Ulttyq kom­pa­nıa­lardy naǵyz naryqqa shyǵarýǵa múm­kindik bolady. Sonda ınvestor­lar onyń kúsh-qýatyna qalaı qa­raı­tynyn kórý kerek. Strate­gıany jańartýǵa kelsek, bul zaman ta­la­bynyń qajettiligi bolyp tur. Biz­diń kompanıalar únemi quby­lyp tura­tyn ortada jumys isteı­di. Biz ne­gizgi kórsetkishti qaıta qa­rap ja­tyr­myz. Olar qaǵaz jú­zinde keremet kórinetinin moıyn­daýymyz kerek. Ásirese, óndiris sa­la­synda jumys isteıtin jumys­shynyń úlesin ól­sheý qıyn. Bul bizge kerek. Ol de­genińiz ynta­lan­dyrý ǵoı. Kor­po­ratıvti basqarý­dyń jańa kodeksi qabyldandy, dırektorlar keńesiniń ókilettigi qaıta qaraldy. Jaýap­kershilikti bólýdiń naqty júıesi qu­ryldy. Bul degenińiz – keńes za­manynan muragerlikke qalǵan ko­mandalyq júıeden bas tartýdyń joly. Qor­d­yń qurylymdyq júıesi ózgeredi. Osy úshin qarjylandyrý­dyń joly engizilýde. Qordyń basty ról­deriniń biri – jańa ındýst­rıa­nyń qurylysy. Biz naryq oıyn­shylary bara bermeıtin jol­dardy qarastyramyz. Quqyq­tyq forma­nyń qurylymyn je­ńil­detemiz. Biz­diń kompanıa­lar­dyń ishinde aksıonerlik qoǵamdar bar, olardyń sany 15-ke jetedi. So­lar bizden kol­legıalyq organ, dırektorlar keńesin, prosedý­ra­ny talap etedi. Osynyń bári úde­risti kádimgideı baıaýlatady. Osy­laı basqarýdy qymbatqa túsiredi. Biz basqa jolyn qarastyrýdamyz. Bul – negizgi bas­ta­malar. Biz olar­dy operasıalyq trans­for­masıalaýdyń jol karta­syna toptastyrdyq. Bul úderiste árbir basshynyń jaýapkershiligi men rólin anyqtadyq. Óıtkeni jol kar­talary sórelerde qalatyn «áde­mi» qujattar kúıinde qalyp otyr. Bastamanyń sońy dırek­tor­lar keńesi men basqarmaǵa deıin jetedi. Biz olarǵa tek mindet júktep otyr­ǵan joqpyz. Árbir basqarma tóra­ǵasy osylaı óziniń jumysyn júr­gizý barysynda je­ke qyzyǵý­shy­lyǵy men jaýap­ker­shiligin art­tyrady, óz qyzmet­ker­lerin ózgeris­ke umtylýǵa beıim­deıdi» deıdi. 
«Qazposhta» AQ ortaq qyzmet kór­setý ortalyǵyn qurady. Bul tý­raly kompanıanyń basqarma tó­raǵasy Baǵdat Mýsın habar­la­dy. 
Onyń baıandaýynsha, «Qaz­posh­ta» 300-ge jýyq bastama kó­tergen. Baǵdat Mýsın «onyń ishi­nen biz tek az qarjy quıý ar­qyly tez tabys ákeletinin tańdap alamyz. Basty jobanyń biri – back-ofıs qyzmeti arqyly ortaq qyz­met kórsetý or­talyǵyn qurý­dy qolǵa alyp otyr­myz. «Qaz­posh­ta» bólimsheleri satý orta­lyq­­taryna aınalady. Qazir «Qaz­poshta» bólimshelerinde 834 býh­galter-ekonomıst jumys is­teıdi. Bul tym kóp. Benchmarkıng kór­set­kendeı, bul mamandardyń sanyn 120-130 adamǵa deıin qys­qartý kerek. Adamdardy qysqartý kerek dep otyrǵan joqpyz. Qyz­met­kerlerge qaıta oqý múmkindigi týady. Avtomattandyrý jáne úde­ristiń ashyqtyǵy esebinen oń­taılandyrý máselesin aıtyp otyr­myz. Investısıany qajet et­peıtin jobalar bar. Olardy iske qosý úshin uıymdastyrý sha­ralary men beıim­delý úshin ýaqyt qa­jet. Máse­len, jetkizý beket­teri. Jumys kúnderi poshtashylar jabyq esikti qaǵyp turady. Tu­tynýshyǵa jeksenbi kúni qyzmet kórsetkeni yńǵaıly. Oǵan sonsha kúsh qajet emes, tek beıim­delý ke­rek. Taǵy bir mysal: suryp­taý men jetkizý qyzmetin eki túrli bó­­limshe atqarady. Nege? Bul ekeýi bir-biriniń qyzmetin tolyq­tyryp tur emes pe?» deıdi. 

"Qamshy "silteıdi
Derekkóz: Aıqyn aqparat