Keshe Memleket basshysy Nursultan Nazarbaev bir­qatar elderdiń elshi­lerinen Senim gramotasyn qabyldady. Atap aıt­qanda, Eýropalyq odaq­tyń Qazaqstandaǵy ókil­diginiń basshysy Traıan Laý­rensú Hrıstea, Polsha Res­pýblıkasynyń Tótenshe jáne ókiletti elshisi Macheı Lang, Túrkıanyń Tótenshe jáne ókiletti elshisi Nevzat Uıanyk, Vengrıanyń Tótenshe jáne ókiletti elshisi Andrash Baranı, Vetnam Sosıalısik Respýblıkasynyń Tótenshe jáne ókiletti elshisi Doan Thı Hıen Sýan Qazaqstan Res­pýb­lıkasynyń Prezıdentine Senim gramotasyn tapsyrdy.
Senim gramotalaryn tapsyrý rásiminde Memleket basshy­sy dıplomattardy bizdiń elde­gi qyzmetteriniń bastalýymen qut­tyqtady, sondaı-aq, olardyń Qazaqstanǵa mazmundy ári mań­yz­dy oqıǵalarǵa toly kezeńde kelgenin atap ótti.
«Qazaqstan halqy jýyrda Qa­zaq handyǵynyń 550 jyldyǵyn atap ótti. Bul – qazaq ulty men memlekettiliginiń qalyptasýynda zor ról atqarǵan eldik qurylym. Erte zamanda bul Uly Daladan Shyǵys pen Batysty jalǵaǵan Uly Jibek jolynyń bir bóligi ótip jatqan. Qazaqstan sol dástúrdi jańǵyrta otyryp, óz damýynyń jańa belesine kóterildi. Elimizde «Nurly jol» ınfraqurylymdyq damý baǵdarlamasy iske asyrylýda. Onyń maqsaty – Qazaqstannyń kólik-tranzıttik áleýetin barynsha arttyrý», – dedi Nursultan Nazarbaev.
Sondaı-aq, Qazaqstan Pre­zı­denti ındýstrıalyq-ınnovasıalyq damý baǵdarlamasyn júzege asy­rýǵa, «Astana» halyqaralyq qar­jy ortalyǵyn qurýǵa, halyq­aralyq EKSPO-2017 kór­mesin ótkizý daıyndyǵy men bes ıns­tıtýttyq reformaǵa qatysty máse­lelerge toqtalyp ótti. Osy rette, Memleket basshysy bul bastamanyń bári tıimdi ynty­maq­tastyq úshin jańa perspek­tı­valarǵa múmkindik beretinin aıtty. Sonymen qatar, Nursultan Nazarbaev kún tártibindegi syrtqy saıa­sat máselelerine toqtaldy.
«Bir aı buryn Birikken Ulttar Uıymy Bas Assambleıasynyń me­reıtoılyq 70-shi sesıasy ashyl­ǵany belgili. Ondaǵy pikirsaıystar adamzat damýynyń jańa paradıgmasyn ázirleýdiń asa qajettigin dáleldep berdi. Biz «Jahandyq Strategıalyq Bastama-2045» jos­paryn usynamyz. Onyń mánisi – soǵystar men qaqtyǵystardyń se­bep­terine jol bermeıtin strategıa jasaý», – dedi Qazaqstan Pre­zıdenti.
Memleket basshysy XXI ǵa­syr­da adamzattyń basty maq­sa­ty ıadrolyq qarýsyz álem or­nyq­tyrý bolýǵa tıis ekenin, sol úshin Qazaqstan Birikken Ulttar Uıymynyń Iadrolyq qarýdan ada álemge qol jetkizý jónindegi jalpyǵa ortaq deklarasıasyn qabyldaýdy usynatynyn aıtty.
Qazirgi ýaqytta terorızm máselesi óte ózekti bolyp tur­ǵany atap kórsetildi. Nursultan Nazarbaev ıslam radıkalızmi men beıbitsúıgish ıslam uǵymdarynyń ara-jigin ajyratýdyń mańyz­dylyǵyna nazar aýdardy. Osyǵan baılanysty bizdiń el «Islam terorızmge qarsy» atty forým ótkizý týraly ıdeıa usynyp otyr, dedi Qazaqstan basshysy.
Qazaqstan Prezıdenti Eý­ro­pa­lyq Odaq Qazaqstannyń álemdegi basty saýda jáne ınvestısıalyq seriktesi ekenin atap ótti. «Eldiń jal­py taýar aınalymy men she­teldik ınvestısıa kóleminiń jartysyna jýyǵy Eýroodaqqa tıesili. Meniń Brússelge byl­tyrǵy qazan aıyndaǵy saparym kezinde biz Keńeıtilgen seriktestik jáne yntymaqtastyq týraly kelisim jónindegi, sondaı-aq, Qazaqstannyń Dúnıejúzilik saýda uıymyna kirý sharttary týraly kelissózderdi aıaqtadyq. Osy tarıhı qujatqa qol qoıý úshin Eýroodaq basshylyǵynyń Astanaǵa resmı saparmen kelýin kútemiz», – dedi Nursultan Nazarbaev.
Memleket basshysy Qazaq­stan men Vengrıa halqyn or­taq tarıh pen mádenıet baı­la­nys­ty­ra­ty­nyn aıtty. «Eki eldiń saıası, ekonomıkalyq jáne má­de­nı-gýmanıtarlyq baılanys­tary stra­tegıalyq seriktestik aıasyn­da damyp keledi. Biz Premer-mınıstr V.Orbannyń bıylǵy sapa­rynyń qorytyndysyn joǵary ba­ǵalaımyz», – dedi Qazaqstan Prezıdenti.
Nursultan Nazarbaev arada joǵary deńgeıdegi ózara se­nim­di únqatysý ornaǵanyn aıta kelip, Qazaqstannyń Polsha Res­pýb­lıkasymen ózara tıimdi ynty­maq­tastyqty damytýǵa múddeli ekenin jetkizdi.
«Birikken Ulttar Uıymy Bas Assambleıasynyń 70-shi sesıasy aıasynda Prezıdent A.Dýdamen kezdestik. Saýda-ekonomıka baılanystary jandanyp, ózara taýar aınalymy ulǵaıady dep úmittenemiz», – dedi Memleket basshysy.
Qazaqstan Prezıdenti eli­mizdiń Vetnam Sosıa­lıstik Res­pýblıkasymen ynty­maqtas­tyqty damytýǵa zor mańyz berip otyrǵanyn aıtty. «Biz Vet­nam bıznesiniń Qazaqstan nary­ǵyna qatysý aıasyn keńeıtýge múddelimiz. Toqyma óndirisi, jı­haz jasaý, halyq tutynatyn taýarlar óndirý salasynda birlesken óndirister ashýǵa ázirmiz», – dedi Nursultan Nazarbaev.
Memleket basshysy baýyrlas Túrik Respýblıkasymen yntymaqtastyqty Qazaqstannyń syrtqy saıasatynyń basym baǵyttarynyń biri retinde atady. «Qazaqstanda túrik kompanıa­lary tabysty jumys júrgizýde. Ekonomıkanyń shıkizattyq emes sektorlaryndaǵy yntymaqtastyq aıasyn keńeıte túsý mańyzdy», – dedi Nursultan Nazarbaev.
Rásim sońynda Qazaqstan Pre­zıdenti elshilerge jańa qyz­met­teriniń jemisti bolýyna tilek­testik bildirdi. Al elshiler ózderine bildirilgen senimge zor iltıpat bildirip, elderdi eldestirmekke bar kúsh-jigerlerin jumsaıtyndaryn aıtty. Óz kezeginde Eýropalyq odaqtyń Qazaqstandaǵy Ókildiginiń basshysy Traıan Laýrensú Hrıstea EO tarapy Qazaqstan qabyldaǵan reformalar jolyn qoldaıtynyn jetkizdi.
«Eýropalyq odaq Qazaqstan qabyldaǵan reformalar jolyn, «100 naqty qadam» baǵdarlamasyn ári qaraı da qoldaıdy. EO-nyń muny qoldaý baǵytynda naqty usynystary bar», – dedi ol. Dıplomattyń aıtýynsha, Eýropalyq odaq merıtokratıa júıesin nyǵaıtý boıynsha budan keıin de qoldaý jasaıtyn bolady. Osy oraıda, ol bul turǵyda memlekettik qyzmetti jańǵyrtý men ǵylymı-tehnologıalyq damýǵa kómek kórsetý baǵytynda naqty joba bar ekenin kóldeneń tartty.
Sonymen qatar, Traıan Laý­rensú Hrıstea EO men Qazaqstan arasynda jaqynda Keńeıtilgen seriktestik pen yntymaqtastyq jónindegi kelisimge qol qoıý jos­parlanyp otyrǵanyn jetkizdi. «Búginde bul qujat aıasynda kelissózder aıaqtaldy», dedi ol. Elshiniń sózine qaraǵanda, bul jobalar men kelisimder saýda jáne ınvestısıa salasynda qatynastardy ári qaraı keńeıtýge negizdelgen. «Biz Astanada aǵyl­shyn quqyǵy negizinde jumys is­teıtin qarjy ortalyǵyn qurý jobasyn qoldaımyz. Bul bas­tama Qazaqstanǵa ınvestısıa aǵymyn arttyrýǵa yqpal etetini sózsiz», – dedi Eýropalyq odaqtyń Qazaqstandaǵy Ókildiginiń basshysy.
28-10-02
«Polsha men Qazaqstandy mádenı jáne saıası-ekonomıkalyq yntymaqtastyqpen qatar, eki el halqyn ǵasyrlyq tarıhy tyǵyz baılanystyrady. Osyǵan oraı, asa jaýapty qyzmetime kirise otyryp, Polsha Respýblıkasynyń pre­zıdenti artqan senimdi aqtap, elderimiz arasyndaǵy ynty­maq­tastyqty jáne dostyq qaty­nas­taryn nyǵaıtyp, órkendete túsýge ýáde beremin. Osy múm­kindikti paıdalana otyryp, barsha Qazaqstan halqyna jerimiz ósip-órkendep, elimiz aman bolsyn, degim keledi», dedi qazaqsha til syndyryp úlgergen Polsha Respýblıkasynyń Tótenshe jáne ókiletti elshisi Macheı Lang. Buǵan deıin sóz alǵan Eýropalyq odaqtyń Qazaqstandaǵy Ókildiginiń basshysy Traıan Laýrensú Hrıstea da Elbasyna Senim gramotasyn tapsyryp turyp, oıyn qazaq tilinde jetkizgen bolatyn.
Túrkıanyń Tótenshe jáne ókiletti elshisi Nevzat Uıanyk ta, qansha degenmen, baýyrlas eldiń azamaty ekendigin dáleldep, iltıpat-tilegin qazaqsha aıtty. «Túrik Respýblıkasynyń elshisi retinde osy bedeldi qyzmetimdi atqarý barysynda baýyrlas elder arasynda ornaǵan keremet qarym-qatynasty odan ári qaraı nyǵaıtý jolynda bar kúsh-jigerimdi jumsaıtynyma jáne osy baǵytta Joǵary mártebeli Prezıdent Nazarbaev myrzanyń jáne qazaqstandyq mekemelerdiń qoldaýyn kóretinime senimdi ekenimdi bildirgim keledi», – dedi óziniń Qazaqstandaǵy qyzmetin zor mártebe sanaǵan Túrkıanyń Tótenshe jáne ókiletti elshisi.
Al Vengrıanyń elshisi A.Ba­ranı óz sózinde eki el arasyndaǵy qarym-qatynastar qarqyndy damyp kele jatqanyn atap ótti. Eki el arasynda Strategıalyq keńes qurý týraly sheshim qabyldanǵan, sondaı-aq, agrarlyq, azyq-túlik ónerkásibi salasynda birlesken jobalardy qarjylandyrý jónindegi ekijaqty qor qurý týraly sheshimi jasaldy. Sonymen qatar, ol Vengrıa Qazaqstan stýdentteriniń majarlyq joǵary oqý oryndarynda oqý úshin 200 stıpendıa usynǵanyn aıtyp ótti. «Meniń Qazaqstandaǵy ju­my­sym kezinde Astanada mańyzdy «EKSPO-2017» kórmesi ótkeli tur. Bizdiń el osy aıtýly shara­ǵa qatysatyndyǵyn rastady. Son­dyqtan bul baǵytta tyǵyz qarym-qatynasta jumys isteımiz», – dedi A.Baranı.
Vetnam elshisi Doan Thı Hıen Sýan eki el arasyndaǵy ynty­maqtastyqty damytýda Qazaq­stan tarapynan qoldaý bolatyn­dyǵyna senimdi ekenin jet­kizdi. «Eki el arasyndaǵy dos­tyq qatynastar men yntymaq­tas­tyqty ilgeriletýge óz mısıamdy tıisti deńgeıde júzege asyrýǵa ázirmin», – dedi elshi.

Derekkóz: Egemen Qazaqstan