Almatyda «Damý» qory­nyń uıymdastyrýymen alǵash ret «Qa­zaqstanda jasalǵan» atty otan­dyq óndirýshilerdiń kórmesi ótti.
 Kásipkerler forýmyna Qazaqstan­nyń barlyq óńirlerinen kelgen júz­den astam óndiris kompanıalary óz ónimderi men qyzmetterin kór­me­ge shyǵardy. 
 
«Qazaqstanda jasalǵan» kór­me­si­niń maqsaty – «Damý» qory qu­ral­dary arqyly memlekettik qol­daý alǵan otandyq óndirýshilerdiń ón­dirgen ónimderin kórsetý. Kór­mege Qazaqstannyń barlyq aı­ma­ǵynan kelgen 100-den asa, sonyń ishin­de tamaq, qurylys salasy, jı­haz, kıim, arnaıy tehnıkalar men jabdyqtar, sonymen qatar 
ká­desyılar men baspahanalyq ónim­der shyǵaratyn kompanıalar qa­tys­ty. Kásipkerler forýmynyń ashylý rásiminde Almaty qala­sy­nyń ákimi Baýyrjan Baıbek, «Báıterek» Ulttyq basqarý hol­dın­gi» basqarma tóraǵasynyń oryn­basary Alına Aldambergen, «Damý» kásipkerlikti damytý qory» AQ basqarma tóraıymy Lázzat Ibragımova sóz sóıledi. 
– Qurmetti, kásipkerler, Al­ma­ty qalasyna qosh keldińizder dep bastady sózin forýmdy ashqan Al­ma­ty qalasynyń ákimi Baýyrjan Baıbek. – Qazaqstannyń kásip­ker­leri osynda jınalyp, Almatyda ót­kizilip jatqan bul shara óte ma­ńyz­­dy dep sanaımyn. Mundaı fo­rým­nyń munda ótip jatqany te­gin emes, Almaty únemi Elbasynyń na­­zarynda, osy qalada bizdiń tá­ýel­sizdigimiz jarıalandy, kóptegen mańyzdy qujattar qabyldandy. Al endi shaǵyn jáne orta bızneske keletin bolsaq, Elbasynyń negizgi saıasaty, tapsyrmasy – kásip­ker­lerge qoldaý kórsetý. Shaǵyn jáne orta bıznestiń ekonomıkadaǵy úles salmaǵy basym bolsa, damyǵan, tu­raqty memleket bolamyz. Son­dyq­tan Elbasynyń tikeleı tapsyr­ma­symen qurylǵan «Báıterek» jáne «Damý» ınstıtýttary kásipkerlerge mem­leket tarapynan kómek kór­se­tip jatyr. Óndiriske eń qajettisi qa­rajatqa qol jetkizý, qarajat bol­sa barlyq jospardy júzege asyrý­ǵa bolady. Aldaǵy ýaqytta mem­leket, qala tarapynan qoldaý kór­setile beredi. 
«Damý» kásipkerlikti damytý qo­ry» AQ basqarma tóraıymy Láz­zat Ibragımovanyń aıtýynsha, «Da­mý» qory sońǵy bes jyldyń ishinde 23 myńǵa jýyq kásipkerge (22 965) qarjylaı, 140 myńǵa jýyq kásipkerge (139 910) qarjysyz qol­daý kórsetipti. Qazirgi kezde «Bız­nes­tiń jol kartasy – 2020» baǵ­dar­lamasynyń nesıe portfeli 1,3 trln ­teńgeden asty. Búgingi kúni ope­ratory «Damý» kásipkerlikti da­mytý qory» AQ bolyp tabylatyn «Bıznestiń jol kartasy – 2020» mem­lekettik baǵdarlamasy boıyn­sha, 6 477 kompanıanyń syıaqy mól­sherlemesi sýbsıdıalandy. 106,5 mlrd teńge óteýsiz sýbsıdıa tó­lengen. «Damý» qory 2010 jyl­dan bastap 1 392 kásipkerlerdiń ne­sıesi boıynsha kepildik berdi. Onyń 
687-si 2015 jyldyń 10 aıyn­yń ishinde berilgen. Osy­laı­sha, bıyl­ǵy jyly «Damý» qory óz ke­pil­digimen eldegi berilgen barlyq ne­sıelerdiń 5 paıyzyn qamtydy.
«Damý» qorynyń kómegimen  ju­mysyn bastaǵan «Petread Almaty» kompanıasy júk kólikteriniń dóń­gelek rezınasyn qalpyna keltirý­men aınalysatyn kórinedi. Kom­pa­nıa dırektory Nur­jan Ábil­qaıyrov­­tyń aıtýynsha, qazirgi kezde Al­matydaǵy jolaýshylardy tasy­mal­daıtyn 800 avtobýs osy kom­panıanyń ónimin paıdalanady eken. Otandyq ónimniń sapasy she­t­eldik rezınalardan kem emes, al ba­ǵasy eki esege arzan turady. 
– Bizdiń kompanıa bes túrli ba­ǵytta jumys jasap, 300-den astam medısınalyq ónimderdi shyǵarady. Sheteldik kompanıalarmen birlesip júzege asyratyn birneshe jobalary bar. Byltyrǵy jyldyń qorytyn­dy­sy boıynsha, kompanıa 258 me­dı­sınalyq «jedel járdem» kólik­te­rin medısınalyq qajetti qural­darmen jabdyqtady. Qazirgi kezde halyq­aralyq SE markırovkasyn alýǵa daıyndyq júrgizip jatyrmyz, so­dan keıin óz ónimderimizdi Eýropa jáne Taıaý Shyǵys elderine eks­port­­qa shyǵara bastaımyz. Kom­pa­nıa Dýbaıda ótetin jańa tehnıkalar kórmesine eki jyl boıy qatysyp júr, aldymyzdaǵy aqpan aıynda óz ónimin taǵy da kórmege shyǵarmaq deıdi Shymkenttegi medısınalyq qural-jabdyqtar óndiretin Kazmedpribor Holding kompanıa­sy­nyń tehnıkalyq jabdyqtaý bóli­mi­niń menedjeri Gúldana Nusqabaeva. 
Kórmege ár oblystarda jumys istep jatqan kásiporyndar, jeke ká­sipkerler óz ónimderin alyp kel­gen eken. «Araı-EAST FOOD» JSHS aımaqtyq ókili Bekbolat Ja­qypov shujyqtyń túr-túrlerin alyp kelse, teri ılep, ton tigetin je­ke kásipker Gúljan Qojabekova te­ri ónimderin, Petropavl qala­synan kelgen, qysqy, jazǵy aıaq- kıimderin tigetin Vıktor Petrosán óz ónimderin kórmege shyǵarypty.Bulardyń barlyǵy – «Damý» qory­nyń qoldaýymen óndiristi jolǵa qoıǵan kásipkerler. Otandyq ká­sipkerlerdiń shyǵarǵan ónimder, birinshiden, baǵasy arzan, ekinshi­den, sheteldik ónimderden sapasy artyq bolmasa, kem emes ekendigine osy kórmede kóz jetkizdik. 
«Damý» qorynyń aldaǵy ýaqyt­ta da otandyq kásipkerlerge qarjy­laı qoldaý kórsetýdi toqtatpaıdy. «Damý» kásipkerlikti damytý qory» AQ basqarma tóraıymy Lázzat Ibragımovanyń aıtýynsha, shaǵyn jáne orta bıznespen aınalysatyn kásipkerlerge jyldyq 6 paıyzben nesıeleý  júrgiziledi. Sýbsıdıalaý da jalǵasyn tabady. Sol úshin 7 mıl­­lıard 200 mln teńge bólinip otyr. Odan basqa «Damý» qory Astana qa­lasy ákimdigimen birlesip, aımaq­tyq qarjylandyrý baǵdarlamasyn iske asyra bastady. Bul baǵdar­la­many júzege asyrýǵa «Damý» qory tarapynan 1 mlrd teńge, qala ákim­digi tarapynan 500 mln teńge bó­lin­gen. Bul baǵdarlamaǵa óz jobalaryn Astana qalasynda iske asyratyn nemese iske asyrýdy josparlap otyr­ǵan Astananyń kásipkerleri qa­tysa alady. Búgingi kúni bul baǵ­dar­lama boıynsha jalpy somasy 390 mln teńgeni quraıtyn 2 joba qar­jylandyrylǵan. Sondaı-aq jal­py somasy 613 mln teńge kóle­mindegi 9 joba ekinshi deńgeıli bank­ter qaraýynda. Óńirlik úı­les­tirý keńesinde jalpy somasy 515 mln­ teńge somasyndaǵy 4 joba ma­quldandy, biraq ázirshe qarjy­lan­dyrylǵan joq.
Jastar kásipkerligin qoldaý men damytý úshin «Damý» qory As­ta­na qalasy ákimdigimen birlesip «Astana-Damu–ZhasStarT» baǵdar­la­masyn júzege asyrýda. Bul baǵ­dar­lama ekonomıkanyń ártúrli sa­lasynda jumysyn jańadan bas­taǵan jas kásipkerlerdiń joba­la­ryn qoldaýǵa arnalǵan. Baǵdarlama boıynsha nesıe somasy 20 mln teń­­gege deıin, al syıaqy mólsherle­me­­si­niń jyldyǵy 7 paıyzdy quraı­dy. «Damý» qory jumysyn jańadan bas­taǵan jas kásipkerdiń nesıe so­­masynyń 85 paıyzyna deıin ke­pil­­dik beredi. Búgingi kúni Qor jal­py so­masy 104,7 mln teńge somasyn­da­ǵy 7 jobany maquldady. Qor fı­­lıa­­lynda 40 mln. teńge somasyn­da­ǵy 4 joba qaralýda. Bul jobalar boıyn­sha ishinara kepildendirý qa­rastyrylǵan. «Damý» qorynyń al­da­ǵy ýaqyttaǵy jobalary osyndaı.