1991 jyly 1 jeltoqsanda al­ǵash ret Qazaq KSR Prezıdentiniń jalpyhalyqtyq saılaýy ót­ti. Osy saılaýda Nursultan Ábish­uly Nazarbaev biraýyzdan el Pre­zıdenti bolyp saılandy. Odan keıin nebári 15 kún ótkende Qazaqstannyń táýelsizdigi jarıa­landy, Qazaq halqynyń san ǵasyr­lar boıǵy arman-tilegi oryndaldy, el tarıhynyń jańa dáýiri bastaldy. Iaǵnı, 1991 jyldyń 1 jel­toqsany memleketimizdiń óz taǵdyryn ózi aıqyndaǵan alǵashqy qadamy boldy, osyǵan oraı bul kúnniń memlekettik mereke kúni bolyp belgilengeni óte qýanyshty.
Bıyl elimiz óz táýelsizdiginiń 24 jyldyǵyn atap ótedi. Osy ara­lyqta Qazaqstannyń Tuńǵysh Prezıdenti – Elbasy Nursultan Nazarbaevtyń basshylyǵymen elimiz bıik belesterge kóterildi.
Nursultan Ábishuly eli­miz­di basqarǵan ýaqyt tarıhı oqıǵa­larǵa toly kezeń. Bul ke­zeń elimizdiń táýelsizdigi men ege­­mendigin jarıalaǵan Dek­la­rasıasyn, Qazaqstannyń jeke mem­leket ekendigin kórsetken Ata Zańyn, memlekettik rámizderin qabyldap, elimizdi egemen memleket retinde kóptegen shet memleketterdiń tanyǵan kezeńi bolyp otyr.
Egemendik alǵaly bas-aıaǵy 24 jyldyń ishinde Qazaqstandy álemniń barlyq eli tanydy. Mem­­leketimiz Birikken Ulttar Uıymynan bastap, kóptegen bedel­di halyqaralyq uıymdarǵa múshe boldy. Qazaqstan barlyq eldermen dostyq qatynasyn ny­ǵaıtty, elimizdiń ekonomıkasy, mádenıeti, saıası júıesi nyǵaıdy, demokratıa men zańdylyq, quqyq tártibi jetildirildi.
Osy táýelsizdik alǵan az ýa­qyt­tyń ishinde elimizde 1993 já­ne 1995 jyldary eki birdeı Kons­tıtýsıa qabyldandy. Elimiz prezıdenttik basqarý júıesine ótti. Bıliktiń barlyq salalary Konstıtýsıaǵa saı qyzmet atqarýda. Memleketimizdiń qu­qyqtyq qatynastaryn ret­teı­tin kóptegen zańdar, kodeks­ter qabyldanyp, memlekettik qu­rylystyń ósip-órkendeýine súbeli úles qosyp jatyr.
Elimizde ulttar dostyǵy ny­ǵaıdy, dúnıejúzine úlgi bolatyn Qazaqstan halqy Assambleıasy qury­lyp, adam men azamat quqyq­tary men bostandyqtarynyń ór­kenıetti qaǵıdalary tolyq júzege asyryldy. Buǵan qosa, qazaq tili memlekettik tilge aınaldy.
Ǵasyrlar boıy shet jerde júr­gen san myńdaǵan otandas­tarymyz, qandastarymyz óz atamekenine oraldy. Qazaqstanda turatyn bar­lyq ulttardyń tiliniń, dininiń damýyna tolyq múmkindik jasaldy. Qazaqstan birinshi bolyp ıadrolyq qarýdan bas tartty, ıadrolyq shı­­kizat beıbit ónim óndirý zatyna aınaldy. 1991 jylǵy 29 ta­­myzda Prezıdent Nursultan Na­zar­baevtyń Semeı ıadrolyq sy­naq alańyn jabý týraly tarıhı she­shimi qabyldandy. Bul kúndi BUU-nyń Bas Assambleıasy 2009 jyly jeltoqsanda Qazaqstan­nyń usynysy boıynsha Iadrolyq sy­naqtarǵa qarsy halyqaralyq is-qı­myl kúni dep jarıalaýǵa sheshim etti. Qazir búkil álem Qazaqstandy ıadrolyq qarýdan bas tartqan tuńǵysh memleket retinde tanıdy.
Qazaqstanda ulttyq valúta – teńge qoldanysqa endi, elimizdiń ekonomıkasynyń órkendeýine súbeli úles qosty. Sondaı-aq, eli­­­­mizdiń memlekettik shekarasy belgilenip, kórshiles memleketter­men bul turǵydaǵy qujattar be­kitildi, sóıtip, mem­leketimizdiń qaýipsizdigi nyǵaıtyldy.
Qazaqstan aýmaǵynyń orta­lyǵynda eldiń, jerdiń tutastyǵyn saqtaý maqsatynda jańa astana salyndy. Osyndaı jetistikter men tabystar Qazaqstandy álemge tanytty. Respýblıkamyzdyń jedel órkendeý qarqynyna damyǵan elderdiń qaıratkerleri de oń baǵasyn berýde.
Elimizdiń az ýaqytta órkendep, órkenıetti eldermen terezesi teń bolýyna súbeli úles qosqan – eli­mizdiń Tuńǵysh Prezıdenti Nursultan Ábishuly Nazarbaev. N.Nazarbaev elimizdiń egemendigin tuńǵysh jarıalap qana qoımaı, erlikti eńbekpen, danalyqty álem­dik saıasatpen ushtastyrdy, eldiń el bolyp órken jaıýyna, órkenıetti memleket dárejesinde tanylýyna bilimi men bıligin, oıy men parasatyn, kúsh-qýaty men jigerin jumsap otyrǵan ozyq oıly qaıratker.
N.Nazarbaev Memleket basshysy retinde eldiń ishki jáne syrt­qy saıasatynyń baǵyttaryn kemeńgerlikpen aıqyndap, el ishinde jáne halyqaralyq qatynas­tarda Qazaqstannyń atynan ókil­dik júrgizý quqyǵyn Qazaqstan Respýblıkasy Konstıtýsıasyna saı júzege asyryp keledi.
Prezıdenttiń aldyna qoıǵan eń basty maqsaty da adam men azamat quqyqtary men bostandyqtaryn Konstıtýsıaǵa sáıkes iske asyrý, halyqtyń áleýmettik jaǵdaıyn jaqsartý, el birligin saqtaý, mem­lekettiń ekonomıkasyn jáne saıası júıesin damytý, ulttar dos­tyǵyn nyǵaıtý, elimizdi órkenıetti elder qataryna qosý ekeni barshaǵa aıan.
Osyǵan oraı, Prezıdenttiń tikeleı Jarlyǵymen «Qazaq­stan-2030» strategıalyq damý jospary bekitildi. Osy josparda mynandaı jeti uzaq merzimdi basymdyq aıqyndalǵan: ulttyq qaýipsizdik; ishki saıası turaqtylyq jáne qoǵamnyń toptasýy; shetel ınvestısıalary men ishki jınaqtardyń deńgeıi joǵary ashyq naryqtyq ekonomıkalyq ósý; Qazaqstan azamattarynyń den­­saýlyǵy, bilimi men ál-aý­qaty; energetıka resýrstary, ınfra­qu­rylym, ásirese, kólik jáne baılanys; kásibı memleket. Osy basymdyqtar eldiń órkendeýiniń, damýynyń, ulttar bedeli artýynyń negizine aınaldy.
Qazaqstan Respýblıkasy Pre­zı­­­dentiniń 2010 jylǵy 1 aq­pan­­daǵy №922 Jarlyǵy­men «Qazaqstan Respýblıkasy­nyń 2020 jylǵa deıingi strategıa­lyq damý jospary» bekitildi. Bul jos­par Qazaqstannyń órkendeýiniń, gúldenýi men qaýipsizdigi artýynyń, ekonomıkalyq bıikke kóterilýiniń, quqyqtyq memleket ornatýynyń alǵysharty bolyp otyr.
Memleketimizdiń atynan ókil­dik etip kele jatqan eń joǵary la­­ýazymdy tulǵa Prezıdent N.Na­­­zarbaev elimizdiń abyro­ıyn, ataǵyn asqaqtatyp, týǵan Otanymyz – Qazaqstannyń bedelin kókke kóterdi. Munyń jarqyn kó­rinisiniń biri – Qazaqstannyń 2010 jyly Eýropadaǵy qaýipsizdik jáne yntymaqtastyq uıymyna tóraǵalyq etýi jáne sońǵy 11 jyl boıy ótpeı kelgen EQYU samıtin uıymdastyrýǵa qol jetkizýi bolyp tabylady. Al eli­miz 2011 jyly halqynyń sany 1,5 mlrd. adamdy quraıtyn, 57 mem­leketti biriktirgen Islam Yn­ty­maqtastyǵy Uıymyna tór­aǵalyq etti.
2012 jyly 14 jeltoqsandaǵy Elbasynyń «Qazaqstan-2050» Strategıasy – qalyptasqan mem­lekettiń jańa saıası baǵyty» atty halyqqa Joldaýynda eli­mizdiń HHİ ǵasyrdyń ortasyna qaraı álemniń eń damyǵan 30 eliniń qataryna qosylý qajettiligi pash etildi.
2012 jyly 22 qarashada Halyq­aralyq kórmeler búrosynyń Bas Assambleıasynda ótkizilgen qupıa daýys berý nátıjesinde 163 memleket arasynan 103 daýysty ıelengen Qazaqstan 2017 jyly ha­lyqaralyq EKSPO kórmesin Astanada ótkizý quqyǵyna ıe boldy. Aldaǵy osy kórmege álemniń kóptegen memleketterinen birneshe mıllıon týrıs keledi dep boljanýda. EKSPO-2017 kórmesi Qa­zaqstannyń jetistikte­rin álem­ge taǵy da tanytary sózsiz. Al bul halyqaralyq kórmeniń daıyn­­dyq barysyn Qazaqstan Respýblıkasynyń Prezıdenti N.Á.Nazarbaevtyń ózi tikeleı qadaǵalap otyr.
Memleket basshysy bıyl ja­rıalaǵan 5 ınstıtýttyq refor­ma, ıaǵnı odan týyndaıtyn «100 naq­ty qadam» Ult jospary da týǵan Otanymyz – Qazaqstan Res­pýblıkasyn álemdegi asa da­myǵan órkenıetti elder qataryna qaraı jaqyndata túsetini esh kúmán týǵyzbaıdy. Elimizde oǵan alǵysharttar da jetkilikti. Elbasynyń bedeli – eldiń be­rekesi. Bardy baǵalaı bilý – elin, memleketin súıgen árbir azamattyń qasıetti boryshy. Osyǵan oraı, ótken saılaýlarda elimizdiń prezı­denttigine N.Nazarbaevtyń úlken basymdyqtarmen birneshe ret saılanýy óte qýanyshty jaıt. Óıtkeni, Nursultan Ábishuly – bul joǵary laýazymǵa óte la­ıyq tulǵa. Ol – óz bıigine qa­jyr­ly eńbekpen, aqyl-para­sa­ty­men, adamgershiligimen, ult­jan­dylyǵymen, óz jerin, elin jan-tánimen súıetindigimen satylap jetken qaıratker. 2012 jyly Qazaqstannyń BUU-nyń Adam quqyqtary jónindegi ke­ńesi­niń múshesi bolyp saılanýy da Elbasynyń halyqaralyq bıik bedeliniń taǵy bir kórinisi boldy.
Táýelsizdik alǵannan beri Qa­zaq­stan evolúsıalyq jolmen, beıbit damýdyń nátıjesinde saıasatta, ekonomıkada, halyqaralyq qatynastarda Tuńǵysh Prezıdent – Elbasy N.Á.Nazarbaevtyń basshylyǵymen belesterge kóte­rildi. Qazaqstannyń birtutas­tyǵyn, demokratıaly, zaıyrly, áleý­mettik, quqyqtyq memleket ekendigin, adam quqyqtary men bostandyqtarynyń ústemdigin pash etetindigin búginde búkil álem moıyndap otyr. Osy turǵydan kelgende, Qazaqstannyń Tuńǵysh Prezıdenti – Elbasy kúnin atap ótý óte oryndy. Óıtkeni, táýelsiz Qazaqstanda Prezıdent bireý, al el halqy oǵan árýaqytta tireý. Olaı bolsa, alda kele jatqan 1 jel­toq­­san – Tuńǵysh Prezıdent kúni qutty bolsyn, elimiz órkendep, da­mı bersin.

Derekkóz: Egemen Qazaqstan