Qaıyrymdylarǵa arnalǵan «Altyn júrek» syılyǵy ıelerin tapty
Jyldaǵy dástúr boıynsha Al­matyda Abaı atyndaǵy ope­ra jáne balet teatrynda qaıy­rym­dylyq sala­syndaǵy Ulttyq qoǵam­dyq «Al­tyn júrek» syılyǵy ıeger­lerin marapattaý rásimi bolyp ótti.
Elimizdiń qaıyrymdy adamdary men olardyń meıirimdiliktiń úlgisi bolǵan isterine «Rahmet!» aıtý salty 2007 jyldan beri uıym­dastyrylýda. Osylaısha toǵyz jyl boıyna «Altyn júrek» uıym­dastyrýshysy – «Baýyrjan» qaıy­rymdylyq qory atalmysh syılyqty turaqty túrde tabys­tap keledi.
Marapattaý saltanatynyń ashy­lý rásimininde Almaty qala­sy­nyń ákimi Baýyrjan Baıbek elimiz­de belsendi azamattyq qoǵam qalyptasqanyn aıtyp, onyń ishin­de Naýryzbaı aýdanyndaǵy sel­den zardap shekkenderge qol­ushyn sozǵan jandarǵa óz alǵysyn bildirdi.
Sonymen, «Baýyrjan» qaıy­rym­dylyq qorynyń dırektory jáne syılyqty uıymdastyrý komı­tetiniń tóraıymy Juldyz Omar­bekova syılyq taǵaıyndalyp júrgen jyldarda qazaqstandyq qaıyrymdylyq evolúsıasynyń kýágeri bolǵanyn aıta kele:
– Kómek tek qana aqsha­men ól­shen­beıdi, bizdiń nomınant­tar­dyń qaıyrymdy isteri ártúrli kólemde bolýy múmkin, basty­sy – óz qalaýymen kórsetil­gen kómek bolýy tıis. Eger bury­ny­raq­ta qaıyrymdy adamdar úle­sin kóbine qarjylyq múmkindik­teri kóp adamdar qurasa, búgin­de olar­dyń qataryn erikti uıymdar men qarapaıym adamdar tolyqty­rýda. Sondyqtan bolar, sońǵy 5 jyl ishinde dúnıejúzilik qaıy­rymdylyq reıtıńisinde Qazaq­stan 121-orynnan 101-orynǵa deıin kóterildi. Alaıda, biz qaıy­rym­dylyqty áli de damyta berýi­miz kerek jáne aldaǵy ýaqytta qaıyrymdy elderdiń birinshi júzdigine, tipti, elýligine de ilinermiz dep úmittenemin, – dedi.
Qysqasy, laýreattardy marapattaý saltanaty Turkvision-2014 saıysynyń jeńimpazy Janar Doǵalovanyń oryndaýyndaǵy «Altyn júrek» ánuranynan bas­taý aldy. Altyn júrekti jandardy qolpashtaýǵa kelgen óner sańlaqtary – Qazaqstannyń halyq ártisi Nurjamal Úsenbaeva, dombyrashy Asylbek Eńsepov, skrıpkashy Jámıla Serkebaeva, MEZZO toby, Qýat Baǵysbek, Tol­qyn Zabırova, Álisher Kári­mov syndy jandar keshtiń árin kel­tirdi. Ásirese, Atyraý qalasynan arnaıy kelgen ónerli búldirshin Nur­­muhammed Jaqyptyń oryn­daý­yn­daǵy «Sábı baqyty» áni kórermender kóńilin bosatyp, jan tebirentti.
Aldymen «Jetim balalarǵa kórsetken kómegi úshin» nomınasıasy boıynsha alǵashqy laýreat, ıaǵnı 2015 jylǵy «Altyn júrek» ıegeri – Aqmola oblysy Kenesary aýylynda 11 balanyń ákesi atan­ǵan Murat Qabylbaevtyń esimi ataldy.
«Bilimdi damytýǵa qosqan úlesi úshin» nomınasıasy boıyn­sha kópshilik Jezqazǵan bıznes jáne kólik kolejiniń quryl­taıshysy, uzaq ýaqyt boıy bilimge qoldaý kórsetip kelgen Bekzat Altynbekovke qol soqty.
Almaty qalasy atynan erikti Elmıra Álıeva «Densaýlyq saq­taý salasyna kórsetken qoldaýy úshin» nomınasıasyn ıelendi. Onyń arqasynda 90 myń dollardan astam qarajat jınalyp, byltyrdan beri aýyr syrqatty balalar men eresek jandar Túrkıa, Italıa, Ońtústik Koreıa, Qytaıda emdelgen.
Al qoǵam pikiri boıynsha múge­dekterge orasan zor kómek kórset­ken «Atyraý. Malenkaıa strana» ońaltý ortalyǵynyń negizin qalaýshy ári jetekshisi Erlan Kúmisqalıev ta «Altyn júrek» músinimen marapattaldy.
Qyzylordalyq fılantrop Abzal Eralıev «Sportty qol­dap, ony damytqany úshin» nomı­nasıasynyń laýreaty atandy. Onyń pikirinshe, jastar óz bola­shaǵyn ózderi tańdap, alǵa durys maqsat qoıa bilýi tıis. Al sportty óz jigerin synaýdaǵy basty múmkindikterdiń biri dep sanaıdy.
Al ardagerlerge turaqty kómek kórsetip, olarǵa qamqor bola bil­gen «Oreol» JSHS dırektory Ser­geı Korotınǵa «Ardagerlerge kórsetken qurmeti úshin» nomınasıasy berildi.
«Jyl mesenaty» ataǵyna «Ar­heo­logıalyq ekspedısıa» JSHS ıe boldy. Olar óz esebi­nen Qa­zaq­stannyń tarıhı-máde­nı mura­syn zerttep, soǵan oraı túsirgen derekti fılm­deri keńinen taralýy úshin telear­na­larǵa tegin ótkizýge yqpal etken.
8 jyl boıyna aqparattyq qaıy­­rymdylyqpen aınalysyp, áleý­­mettik jobalarǵa qoldaý kór­setip kele jatqan «Aıǵaq» telera­dıo­­kompanıasy «Aqparattyq qol­­daý­­shy» nomınasıasynda aty ataldy.
«Jyl uıymy» nomınasıasynda eń úzdik dep Rodına aýyly atynan «Rodına» agrofır­masy tanyldy. Ivan Saýer jetek­shilik etetin kásiporyn kóp jyldar boıyna aýyl turǵyn­daryna, óz qyzmetkerlerine jan-jaqty qoldaý tanytyp otyrǵan.
Al ıtalıalyq Rossano Toma­sellı «Altyn júrek» syıly­ǵynyń «Qazaqstannyń órkendeýine qosqan úlesi úshin» nomınasıasy boıynsha marapattaldy.
Sol sıaqty kesh qonaqtary sońǵy jyldaǵy meıirimdi jáne qaıyrymdy istermen tanystyratyn «100 qaıyrymdy is» atty fotokórme uıymdastyryldy.

"Qamshy"silteıdi

Derekkóz: egemen Qazaqstan