Fransıanyń jalaýyn taqqandardy kórip bir kúnde patrıot bolyp shyqqandarǵa tek kúlkiń keledi. Basqa kezde qaıda qaldy eken? Fransıada qaıǵyly jaǵdaı bolmasa ózderiniń qazaq ekenin bilmeı júre berermedi? Beıbit elde, beıbit turǵyndardyń qaza bolǵanyna taǵzym etip qurmet bildirý, birdirmeý árkimniń jeke sharýasy. Ózgeni sılaǵan adam óziń elin súımeıdi dep kim aıtty? Qurbandardy aza tutyp, kóńilin bildirgenderge tarlyq etý azamattyqqa jatpaıdy.

Qurmetti musylman baýyrlar! Islam dini – álemdegi eń taza din. Endeshe, bizde musylman degen atymyzǵa saı bolaıyq. Bir adamnyń qateligi úshin, búkil qaýym jaýap bermeıdi. Sanasyz bir ospadar jýrnalıstyń qateligi úshin bir emes, eki márte terakt jasaý qaı musylmandylyqqa jatady. Bile bilseńizder, bizddiń asyl dinimizge selkeý túsirip júrgender osyndaı terakt uıymdastyrýshylar. Osyndaı musylmandar arasyndaǵy musylman degen atqa laıyq emesterdiń kesirinen asyl dinimizge, paıǵabarymyzǵa til tıgizetinder kóbeıedi. Al, olardyń bárinen kek ala bersek, asyl dinimizdi laılaı beremiz. Musylmandar, musylman degen atqa laıyq bolaıyq. Fransıadaǵy jaǵdaı men Sırıa jaǵdaıy salystyrýǵa kelmeıdi. Tek, ekeýindegi bir ortaqtyq lańkesterdiń kesirinen beıbit halyqtar beıkúná ketýde. Sırıa máselesi shynynda óte kúrdeli. Ol týraly BAQ-ta aıtylyp, jazylyp júr. Neshe jyldan beri Bashar Asat pen opozısıa jáne lańkestik uıymdar arasyndaǵy qaqtyǵystardyń kesirinen neshe myńdaǵan musylman baýyrlarymyzdyń qaza bolǵany ras. Neshe myńdaǵan adam bosqyn bolyp ketti. Onyń bárine Fransıadaǵy terkat qurbandaryn eske alǵandar da azamattyq pikirlerin bildirip kele jatyr. Sondyqtan, Fransıadaǵy trekatke qaıǵyryp, Sırıaǵa qaramadyńdar deý artyq aıtqandyq bolady. Fransıa jalaýyn kótergender - Adamzattyń bárin baýyrym dep súıgender.

Turdybek Qurmethannyń Feısbýk paraqshasynan