2016 جىلدىڭ 21 قازانىندا، ساعات 10.00-دە قازاقستان رەسپۋبليكاسى مەملەكەتتىك ورتالىق مۋزەيى «جاناشىر» حالىقارالىق قايىرىمدىلىق قوعامدىق قورىمەن بىرلەسىپ، الماتى قالاسى ىشكى ساياسات باسقارماسىنىڭ مەملەكەتتىك الەۋمەتتىك تاپسىرىسى بويىنشا ۇيىمداستىرعان «شاعىن ەكسپو-2016»  اتتى يننوۆاسيالىق جوبالار بايقاۋىنىڭ كورمەسى  اشىلادى.

بايقاۋ ماقساتى - الماتى قالاسىنىڭ تۇرعىندارىن «ەكسپو-2017» كورمەسىنە شىعارماشىلىقپەن بەلسەنە قاتىسۋعا شاقىرۋ، ازاماتتاردىڭ يننوۆاسيالىق يدەيالارىن قولداۋ جانە ىنتالاندىرۋ. سونداي-اق، «ەكسپو-2017» كورمەسىنە جەرگىلىكتى وڭىرلەردى ناسيحاتتاۋ جانە ايماق تۇرعىندارى ەسەبىنەن قاتىسۋشىلار سانىن ارتتىرۋ بولىپ تابىلادى.

2012 جىلدىڭ 22 قاراشاسىندا پاريج قالاسىندا وتكەن  EXPO حالىقارالىق كورمە بيۋروسى باس اسسامبلەياسىنىڭ 152ء-نشى سەسسياسى شەشىمىمەن كەزەكتى «ەكسپو-2017» حالىقارالىق كورمەسى استانا قالاسىندا وتكىزىلەتىندىگى جاريالانعاندىعى ءمالىم.

قازاقستاندا العاش رەت وتكىزىلىپ وتىرعان EXPO بۇكىلالەمدىك كورمەسى – ماڭىزى جاعىنان دۇنيەجۇزىلىك ەكونوميكالىق فورۋمدارمەن، ال تۋريستىك تارتىمدىلىعى بويىنشا ەڭ تانىمال الەمدىك دەڭگەيدەگى سپورتتىق جارىستارمەن سالىستىرۋعا تۇرارلىق اۋقىمدى وقيعا. وسىعان سايكەس، حالىقتى جۇمىلدىرۋ، ءبىر كىسىدەي ات سالىسۋ ماقساتىندا مۋزەي قابىرعاسىندا ۇيىمداستىرىلىپ وتىرعان «شاعىن ەكسپو-2016»  كورمەسى  ەلوردامىز استانادا وتەتىن بۇكىلالەمدىك شاراعا ءوز ۇلەسىن قوسپاق.      

 «ەكسپو-2017» كورمەسىنىڭ نەگىزگى يدەياسى جاڭا ەنەرگيا كوزدەرىن ىزدەستىرۋ، قولدانۋ بولعاندىقتان، اتالمىش «شاعىن ەكسپو-2016» يننوۆاسيالىق يدەيالار كورمە-بايقاۋىنىڭ نەگىزگى تاقىرىبى دا ۇزدىك جاس ونەرتاپقىشتاردىڭ ونەرتابىستارى، جاڭا تەحنولوگيالار جەتىستىكتەرىنىڭ بايقاۋى بولىپ تابىلادى.

كورمەگە الماتى قالاسىنداعى 40-تان استام ونەرتاپقىشتىڭ جوبالارى قويىلادى.   

اتالعان بايقاۋ قاتىسۋشىلارى «ەڭ ۇزدىك ونەر­تابىس»؛ «ەڭ ۇزدىك ونەرتاپقىش ايەل»؛ «ەڭ جاس ونەرتاپقىش»؛ «جاس دارىن»؛ «ەڭ بەلسەندى ونەرتاپ­قىش» دەگەن  اتالىمدار بويىنشا باعالى سىيلىقتارمەن جانە ديپلومدارمەن ماراپاتتالادى.

ۇزدىك شىققان يدەيالار مەن ونىمدەر استانادا وتەتىن «ەكسپو-2017» كورمەسىنە جولداما الادى.