كىمدى قايدا جىبەرمەك؟

بارلىق شەن قىزمەتكەرلەرىن اۋىستىرعاننان سوڭ اقش، تۇركيا، رەسەي سىندى مەملەكەتتەردەگى قازاقستان رەسپۋبليكاسىنىڭ وكىلى كىمنىڭ بولاتىندىعىنا باسا نازار اۋدارۋ قاجەت. بۇل ەلدەر الەمدى دۇرلىكتىرىپ وتىرعاندىقتان، مۇنداي قىزمەتكە ۇمىتكەرلەر مۇقيات تاڭدالۋى كەرەك دەپ حابارلايدى sayasat.kz، مالىمەتتىڭ قازاقشا نۇسقاسىن "قامشى" پورتالى وقىرمان نازارىنا ۇسىنادى.

الدىن-الا بولجام بويىنشا، ۆاشينگتونعا ەرجان قازىحانوۆ جىبەرىلۋى مۇمكىن. ول امەريكانىڭ ساياسي مادەنيەتىن جاقسى بىلەتىندىگىن ءوز پايداسىنا اسىرا الادى. سونىمەن قاتار بۇۇ قازاقستاننىڭ وكىلى رەتىندە قىزمەت اتقارىپ ءجۇرىپ ءبىراز بەلدى تۇلعالارمەن تىعىز قارىم-قاتىناس ورناتىپ ۇلگەرگەن.

تۇركيا ەلىنە وكىلەتتى ەلشى بولۋعا الماتى قالاسىنداعى ءسىم باسقارۋشىسى ارسلان داندىبايەۆتىڭ ۇلكەن مۇمكىندىگى بار. ول تۇركياداعى ەكس-ەلشى جانسەيىت تۇيمەبايەۆتىڭ قاراماعىندا جۇمىس ىستەپ، ىستامبۇلداعى باس ەلشىلىكتى باسقارعان.

رەسەيدەگى ديپلوماتيالىق ءبولىم باستىعى قىزمەتىنە شقو اكىمى دانيال احمەتوۆ سايلانۋى مۇمكىن. ول رەسەيدىڭ ساياسي زاڭدىلىقتارىن وتە جاقسى بىلەدى. سونىمەن قاتار ەۋرازيا ەكونوميكالىق كوميسسياسىنىڭ جۇمىس جاساۋ تارتىبىمەن جاقسى تانىس.

جاڭا مينيستر كىم بولادى؟

دەنساۋلىق ساقتاۋ مەن الەۋمەتتىك دامۋ مينيسترلىگى جايلى ۇزاق ويلانۋعا تۋرا كەلدى. اتالمىش ماسەلەگە بايلانىستى ناقتى شەشىم تەز ارادا قابىلدانىپ، ەلگە جاريا بولۋى مۇمكىن. اتالعان مينيسترلىك ەكىگە ءبولىنىپ، دەنساۋلىق ساقتاۋ مينيسترلىگى جانە الەۋمەتتىك قورعاۋ مەن ەڭبەك مينيسترلىگى بولىپ جۇمىسىن جالعاستىرادى دەگەن دە بولجامدار بار. ەكىنشى جاعىنان، بۇل قىزمەتكە تامارا دۇيسەنوۆا كەلۋى مۇمكىن. دەنساۋلىق ساقتاۋ ءمينيسترى قىزمەتىنە ەلجان بيرتانوۆ باستى ۇمىتكەر رەتىندە قارالىپ وتىر. ال، ەگەر، اپپاراتتا كوپ بەدەل جيناپ، ودان دا ۇلكەن قىزەتكە ۇمىتكەر بولعان جاعدايدا، بۇل ورىنعا پرەزيدەنت اكىمشىلىگىندە ىشكى ىستەر ساياساتىنىڭ باسقارۋشىسى ايدا بالايەۆا تاعايىندالماق. ول ۇلكەن ساياساتقا بەلسەنە ارالاسقان، تاجىريبەسى مول قايسار ايەلدەردىڭ ءبىرى.

باعلان مايلىبايەۆتى قايدا جىبەرەدى؟

مارات ءتاجيننىڭ جاڭا قىزمەتكە كەلۋىنە باسا نازار اۋدارعان جۇرتشىلىق باعلان مايلىبايەۆ جايلى ۇمىتىپ كەتتى. ەگەر بارلىعى وڭ شەشىمىن تاۋىپ جاتسا، ونى «نۇر وتان» پارتياسىنىڭ يدەولوگيا حاتشىسى قىزمەتى كۇتىپ تۇر.

اۋدارعان: نازەركە لابيحان