"قازاگروقارجى" اق ورتالىق اپپاراتىنىڭ كەڭسەسىندە توپ-مەنەدجەرلەر توبەلەسكەن، ولاردىڭ وسى ارەكەتى بەينەباقىلاۋ كامەرالارىنا ءتۇسىپ قالعان، - دەپ حابارلايدى تengrinews.kz ءتىلشىسى.

ۆيدەونى بەرگەن دەرەككوزدىڭ مالىمەتىنشە، جاندالداسقان ەكەۋدىڭ ءبىرى باسقارما باسشىسىنىڭ ورىنباسارى قانات تۇرسىنقۇلوۆ تا، ەكىنشىسى دەپارتامەنت ديرەكتورى ەربول تاشەنوۆ. ۆيدەونىڭ كادرلارىنان ەكەۋىنىڭ ەرەگەسكەنى جانە سونداعى تۇرعان ادامداردىڭ ولاردى اجىراتىپ جاتقانىن بايقاۋعا بولادى. "جانجال جاڭاجىلدىق وتىرىستىڭ الدىندا بولعان، - دەدى كۋاگەرلەر. 

كۋاگەرلەردىڭ ايتۋىنشا، كومپانيانىڭ توپ-مەنەدجەرلەرى "قازاگروقارجى" اق ورتالىق اپپاراتىنىڭ كەڭسەسىندە (بەسىنشى قاباتتا، توپ-مەنەدجمەنت بولمەسىندە) سپيرتتىك ىشىمدىكتەر ءىشىپ وتىرعان. بۇل تاۋەلسىزدىك كۇنى قارساڭىندا بولعان. مەرەكەلىك تويلاۋ جانە سپيرتتىك ىشىمدىكتەر ىشكەن قايتا وڭالتۋ دەپارتامەنتىنىڭ ديرەكتورى ەربول تاشەنوۆ باسقارما باسشىسىنىڭ ورىنباسارى قانات تۇرسىنقۇلوۆتى ۇرعان. وسى كەزدە توبەلەس باستالعان. توبەلەس بارلىق قىزمەتكەرلەردىڭ كوزىنشە بولعان جانە قىزمەتكەرلەر جانجالداسقان ەكەۋىن اجىراتقان. 
"قازاگروقارجى" اق وكىلدەرى وسى جاعدايدى كىشىگىرىم كەلىسپەۋشىلىك دەپ باعالاپ، مۇنى ءبىر ۇلكەن داۋ نەمەسە جانجال دەۋگە بولمايتىنىن ايتتى. 

"بۇل ءجاي كىشىگىرىم كەلىسپەۋشىلىك قانا، قىزمەتتىك بابىنا ەش قاتىسى جوق. سونىمەن قاتار، بۇل وقيعا جۇمىس ۋاقىتى اياقتالعاننان كەيىن (21.00-دە) بولعان. مەديسينالىق كومەككە جۇگىنۋدىڭ نەمەسە قۇقىق قورعاۋ ورگاندارىنا حابارلاسۋدىڭ ەش قاجەتى بولماعان. قازىرگى ۋاقىتتا ەكەۋىنىڭ اراسىندا ەشقانداي ارازدىق جوق"، - دەلىنگەن رەسمي ساۋالعا كەلگەن جاۋاپتا. 

"قازاگروقارجى" اق ادەپ كودەكسى بويىنشا ەكەۋىنە دە تارتىپتىك شارالار قولدانىلاتىن بولىپتى. 

"قازاگروقارجى" اق "اۋىل شارۋاشىلىعىنىڭ كەيبىر ماسەلەلەرى تۋرالى" قازاقستان رەسپۋبليكاسى ۇكىمەتىنىڭ 1999 جىلعى 24 قاراشاداعى № 1777 قاۋلىسىنا سايكەس 1999 جىلى 28 جەلتوقساندا اۋىل شارۋاشىلىعىنداعى باستى ماسەلەلەردىڭ ءبىرى - تەحنيكا پاركىن جاڭارتۋ ماسەلەسىن شەشۋدە كومەك كورسەتۋ ماقساتىندا قۇرىلعان. 
قوعام "قازاگرو" ۇلتتىق باسقارۋشى حولدينگ قۇرامىنا ەنەدى.